जळगाव – खान्देश कॉलेज एज्युकेशन सोसायटी व मू.जे.महाविद्यालय् यांच्या अमृत महोत्सव वर्षानिमित्त ‘नँनोस्ट्रकच्र्र्ड अँड अमाँरफस मटेरिअल्स् : सिंथेसिस,कॅरँकटेरायझेशन अँड अप्लीकेशन’या विषयावरची राष्ट्रीय पातळीवरील “नाम-रमण:२०२०” ह्या परिषदेच उद्घाटन कवयित्री बहिणाबाई चौधरी उत्तर महाराष्ट्र विद्यापीठाचे प्र-कुलगुरू डाँ.पी.पी.माहुलीकर यांच्या शुभ हस्ते दीप प्रज्वलन करून करण्यात आले.
या प्रसंगी प्रा.अशोक जोशी, अध्यक्ष,मायक्रोलीन एल्.एल्.सी.अमेरिका, सी-मेटचे माजी संचालक डाँ.डी.पी.अमळनेरकर ,उत्तर महारष्ट्रातील जेष्ठ संशोधक व के.सी.इ.सोसायटीचे सदस्य मा.प्राचार्य डॉ.एल.ए.पाटील, सावित्रीबाई फुले पुणे विद्यापीठातील प्रो.एम.ए.मोरे, महाविद्यालयाचे प्राचार्य प्रा.डॉ.सं.ना.भारंबे, आयोजन सचिव डॉ.व्ही.आर.खडसे मंचावर उपस्थित होते. या परिषदेची प्रस्तावना संयोजक डॉ.के.बी.महाजन यांनी केली.सूत्रसंचालन प्रा.कविता पाटील व प्रा.भावना मानेकर यांनी केले.या प्रसंगी डॉ.माहुलीकर यांनी मुलभूत संशोधनात आपला देश मागे असल्याची खंत व्यक्त केली.प्राथमिक शिक्षण हा उच्च शिक्षणाचा पाया असून उच्च शिक्षण हा संशोधनाचा पाया असल्याची त्यांनी आठवण करून दिली.मुलभूत शिक्षणात निष्णात शिक्षकांची उणीव भासत असल्याचे त्यांनी स्पष्ट केले. अध्यक्षीय भाषणात मा.प्राचार्य डॉ.एल.ए.पाटील यांनी कृतीशील माणसांची संख्या कमी होत असल्याची खंत व्यक्त केली.कल्पनेचं उत्पादनात रुपांतर करण्यात आपण कोठेतरी मागे पडल्याचे स्पष्ट केले.आपले संशोधन उच्च प्रकारच्या नियतकालिकात प्रसिद्ध करण्याचे आवाहन त्यांनी केले. प्रा. अशोक जोशी यांचे एकुण १४७ पेटंट आहे.पेस मेकर मध्ये वापरली जाणारी बँटरी चे पेटंट स्वतःकडे असल्याचं सांगितले.प्रा. अशोक जोशी यांनी नँनोटेक्नाँलोजी- नाविन्यपूर्ण शोध आणि यश या विषयावर बोलतांना म्हणाले कि एखादा अविष्कार करताना त्याची समाजासाठी उपयुक्तता बघून त्याची बाजारात मागणी किती आहे याचा अभ्यास महत्वाचा असल्याचे सांगितले.पुढे त्यांनी जखमेतील घाण काढण्यांसाठी पोर्टेबल व्हँकुम पंपची निर्मिती केल्याचं सांगितले.पुढे त्यांनी मायक्रोलीन एल्.एल्.सी.अमेरिका या कंपनीची विस्तृत माहिती दिली.या कंपनीत द्रव पदार्थाचं वितरण व नियंत्रण करून नको ते पार्टिकलस काढन्याचे तंत्रज्ञान विकसित केले आहे.असेच सुगंधाचे स्प्रे सध्या बाजारात उपलब्ध आहेत.याचा पाया जोशी सरांच्याच संशोधनाचा परिपाक आहे. डाँ.डी.पी.अमळनेरकर यांनी आपल्या व्याखान्यात “सिल्क फ़ैब्रोइन बेस्ड् बायो नँनो कॉमपोझीटस”या आव्हानत्मक विषयावरमाहिती दिली. नँनोटेक्नाँलोजीला आरोग्य सेवेत मोठी संधी असून अनेक उत्पादने सध्या बाजारात येऊ पाहत असल्याच त्यांनी सांगितले. या परिषदेसाठी संपूर्ण देशातून ६० शोधनिबंध प्राप्त झाले असूननँनोटेक्नाँलोजीच्या विवीध आयामांचा अभ्यासपूर्ण उल्लेख करण्यात आला.
डॉ.एम.ए.मोरे,सावित्रीबाई फुले पुणे विद्यापीठ यांनी स्पेक्ट्रोस्कोपी या विषयावर विस्तृत व्याख्यान दिले. यामध्ये त्यांनी नँनोटेक्नाँलोजीमध्ये इलेकट्राँन मायक्रोस्कोपची कार्यतत्वे व उपयुक्तता यावर सखोल भाष्य केले.विवध मायक्रोस्कोपमध्ये संशोधन कसे कसे होत गेले हे त्यांनी विषद केले. परिषदेतील टेकनिकल सत्राचे अध्यक्षपद डॉ.जे.व्ही.साळी, कवयित्री बहिणाबाई चौधरी उत्तर महाराष्ट्र यांनी भूषविले.या सत्रात मध्ये एकूण ३५ संशोधकांनी आपापली अभ्यासपूर्ण शोधनिबंधे सादर केली. दि.२८ फेब्रुवारी या विज्ञान-दिवसाचे औचित्यसाधून मू.जे.महाविद्यालयातील विद्यार्थ्यांनी “रमण इफेक्ट”या विषयावर विविध पोस्टर्स बनवून शास्त्रज्ञ चंद्रशेखर वेंकटरमण यांना आदरांजली व्यक्त केली.या स्पर्धेसाठी डॉ.जे.व्ही.साळी ह्यांनी परीक्षक म्हणून काम पहिले.उत्कृष्ट पोस्टर्सला पारितोषिके देण्यात आली. शेवटी प्रा.प्रेमजीत जाधव यांनी आभारप्रदर्शन केले.
