जळगाव-(प्रतिनिधी) – मुंबई येथे महाराष्ट्र स्टुडंट्स युनियन चा 3रा स्थापना दिवस अतिशय उत्साहात पार पडला.या कार्यक्रमात पत्रकार, विद्यार्थी,सामाजिक कार्यकर्ते यांना विशेष कामगिरी केल्याबद्दल पुरस्कार जाहीर करण्यात आले होते या दिवशी हा पुरस्कार सोहळा देखील पार पडला, महाराष्ट्र स्टुडंट्स युनियनच्या सर्वोत्तम उत्कृष्ट विद्यार्थी नेता म्हणुन जळगाव येथील एस. एस. मणियार विधी महाविद्यालयाचा विद्यार्थी व महाराष्ट्र स्टुडंट्स युनियनचा जिल्हाध्यक्ष रोहन महाजन यांना दिल्ली येथील सर्वोच्च न्यायालयाच्या अधिवक्ता मोहिनी प्रिया यांच्या हस्ते पुरस्कार देऊन सन्मानित करण्यात आले.
मुंबई येथे महाराष्ट्र स्टुडंट्स युनियनच्या वर्धापन दिन कार्यक्रमात पुरस्काराचे वितरण करण्यात आले. यावेळी संस्थापक अध्यक्ष ॲड सिद्धार्थ इंगळे, ॲड. सुनिल देवरे, ॲड. प्रशांत जाधव, ॲड. स्नेहल जाधव, उत्तर महाराष्ट्र अध्यक्ष ॲड दिपक सपकाळे व पदाधिकारी तसेच राज्यातील जिल्ह्य़ातील विद्यार्थी उपस्थित होते.पुरस्कार मिळाल्यानंतर ह्या प्रसंगी खांद्यावर अजून जबादारी आज पासून आली आहे. यांचे भान ठेवत काम करू असे रोहन महाजन यांनी मनोगत व्यक्त करतांना सांगितले.
