नशिराबाद, ता.जळगाव । वार्ताहर
भाजपचे ज्येष्ठ नेते तथा माजी खा.वाय.जी.महाजन सर यांच्या प्रथम स्मृतिदिना निमित्त नशिराबाद शहर भारतीय जनता पार्टीतर्फे भागपूर गावातील सर्व कुटूंबांना दिवाळीचा फराळ वाटप करण्यात आला.
दिवाळीत घरोघरी उत्साहाचे वातावरण असते. प्रत्येक कुटूंब ऐपतीप्रमाणे दिवाळीचा आनंद साजरा करतात, पण गोरगरिबांना यापासून वंचीत रहावे लागते. गोरगरीबांना किमान फराळ मिळावा, सर्वसामान्यांन्य व्यक्तींचीही दिवाळी आनंददायी व्हावी यासाठी भारतीय जनतापार्टीचे ज्येष्ठ नेते माजी खा.वाय.जी.महाजनसर यांच्या प्रथम पुण्यस्मणार्थ नशिराबाद शहर भारतीय जनता पार्टीच्या वतीने भागपूर येथे सर्व कुटूंबांना दिवाळीचा फराळ वाटप करण्यात आला.
यावेळी नशिराबाद-भादली गटाचे जि.प.सदस्य लालचंद पाटील, हॉटेल गौरवचे संचालक योगेश पाटील (पिंटू शेठ), निमगावचे सरपंच बंडू पाटील, युवराज पाटील, प्रकाश बोंडे, सुदाम धोबी, मिलींद देशपांडे, सचिन महाजन, राजू पाचपांडे, जितेंद्र महाजन, ज्ञानदेव लोखंडे, अरूण पाटील, गुंजन पाटील, किशोर पाटील, निरज पाटील आदी उपस्थित होते.
