महामंडलेश्वर प.पू.स्वामी श्री. जनार्दन हरी महाराज यांना प्रभू श्रीराम जन्म भूमी अयोध्या येथे भव्य मंदीर निर्माण कार्याच्या शिलान्यासासाठी आमंत्रित

रावेर –  महामंडलेश्वर प.पू.स्वामी श्री. जनार्दन हरी महाराज यांना दिनांक ५ ऑगस्ट रोजी प्रभू श्रीराम जन्म भूमी अयोध्या येथे भव्य मंदीर निर्माण कार्याच्या शिलान्यासासाठी आमंत्रित केले आहे ही मतदार संघाच्या व जिल्ह्याच्या दृष्टीने भूषणावह बाब आहे.
प.पू. स्वामी जी हे दिनांक २ ऑगस्ट रोजी तापी पूर्णा संगमाचे जल तसेच संत मुक्ताई व योगी चांगदेव यांच्या पावन भूमीतील पवित्र माती सोबत घेऊन अयोध्या येथे प्रस्थान करीत आहेत. त्या प्रित्यर्थ प. पू. स्वामी जनार्दन महाराज यांना मतदार संघातील जनतेच्या वतीने शुभेच्छा देण्यासाठी व प. पू. स्वामीजींचे आशीर्वाद घेण्यासाठी आज दिनांक ३१ जुलै रोजी सकाळी रावेर यावल विधानसभा मतदार संघाचे आमदार मा. शिरिषभाई चौधरी यांनी आज वढोदा येथील आश्रमात महाराजांची भेट घेतली.
यावेळी शाल,हार,श्रीफळ,व पुष्पगुच्छ देऊन आशीर्वाद घेतले. त्यांचे सोबत डाॅ. सुरेश पाटील खानापूर व लोकसेवक मधूकरराव चौधरी फार्मसी काॅलेज चे प्राचार्य व्ही. आर.पाटील यांनीही प. पू. स्वामीजींना शुभेच्छा देऊन आशीर्वाद घेतले.