भडगाव, (प्रतिनिधी) – शाश्वत विकास आणि लोकशाहीसाठी विविध उपक्रम राबवणारी नॅशनल युथ कौन्सिल ऑफ इंडियाच्या (भारतीय राष्ट्रीय युवा परिषदेवर ) महाराष्ट्र राज्य सचिव पदी पाचोरा तालुक्यातील कमलेश सोनवणे यांची एकमताने निवड करण्यात आली. कमलेश सोनवणे यांचे सामाजिक क्षेत्रातील कार्य व महाराष्ट्रभर विविध क्षेत्रातील तळागाळापर्यंत असणारा जनसंपर्क लक्षात घेऊन युवा परिषदेचे राष्ट्रीय अध्यक्ष डॉ. दत्तचाना मूर्ति रामू यांच्या मार्गदर्शनाने यांच्या अध्यक्षतेखाली झालेल्या नॅशनल युथ कौन्सिल ऑफ इंडिया सदस्यांच्या बैठकीत निर्णय एकमताने घेण्यात आला. विविध क्षेत्रात कार्य करणारा युवा चेहरा म्हणून कमलेश सोनवणे यांची ओळख असून त्यांची उपराष्ट्रपती व्यंकय्या नायडू यांनी उद्घाटन केलेल्या दहाव्या भारतीय छात्र संसदेत वक्ता म्हणून सुध्दा निवड झाली होती. कमलेश सोनवणे हे श्री शेठ मुरलीधरजी मानसिंगका महाविद्यालयातील प्राध्यापक प्रल्हाद सोनवणे यांचे चिरंजीव आहेत.
