पाचोरा प्रतिनिधी । तालुक्यासह शहरात नगरपालिका, जिल्हा परिषद व पंचायत समिती निवडणुकीचे वारे वाहू लागल्याने भारतीय जनता पक्षाचे अमोल शिंदे यांच्या नेतृत्वात जोरदार इनकमिंग सुरू आहे. रविवारी राष्ट्रवादीचे अध्यक्ष खासदार शरद पवार यांच्या वाढदिवशी भाजपने राष्ट्रवादीला मोठा धक्का देत कृष्णापुरी परिसरातील कट्टर पक्ष कार्यकर्त्यांचा प्रवेश करून घेतला आहे. त्यासोबतच बल्लाळेश्वर फाउंडेशनचे संस्थापक हरीभाऊ तुकाराम पाटील यांचीही पक्षात घरवापसी झाली.
त्यामुळे आगामी काळात हाेणाऱ्या निवडणुकांमध्ये चुरस वाढणार आहे. पाचोऱ्यात पाचोरा व भडगाव तालुक्यात अमोल शिंदेंचे नेतृत्व मान्य करत अनेक कार्यकर्ते पक्षात येत आहेत. तसेच ग्रामीण भागासह शहरातील प्रत्येक प्रभागात भाजपने अभियान सुरू केले असून पदाधिकऱ्यांसह शेकडो कार्यकर्त्यांचा गेल्या काही दिवसांपासून मोठया प्रमाणावर प्रवेश होताना दिसत आहे. यावेळी पक्षात प्रवेश केलेल्या पदाधिकारी, कार्यकर्त्यांचे माेठ्या उत्साहात स्वागत करण्यात आले. विघ्नहर्ता मल्टिस्पेशालिटी हॉस्पिटलचे संचालक डॉ.भूषण मगर यांनी प्रवेश करणाऱ्या सर्व कार्यकर्त्यांचे पक्षात आल्याबद्दल आभार व्यक्त केले.
याप्रसंगी भाजप शहराध्यक्ष रमेश वाणी, तालुका सरचिटणीस संजय पाटील, पं.स. सदस्य ज्ञानेश्वर सोनार, शहर उपाध्यक्ष हेमंत चव्हाण, सरचिटणीस दीपक माने, भाजयुमो अध्यक्ष समाधान मुळे, जगदीश पाटील, वीरेंद्र चौधरी, भैया पाटील, भैया ठाकूर, राहुल गायकवाड, लकी पाटील आदी पदाधिकारी, कार्यकर्ते बहुसंख्येने उपस्थित होते. यावेळी अनेक विषयांवर चर्चाही झाली.
