बेपत्ता वडिलांचा मुलगी घेत होती शोध, मात्र, वडिल अशा अवस्थेत दिसले की बघणारेही हेलावून गेले

जळगाव : जळगाव शहरात राहणाऱ्या ५५ वर्षीय व्यक्तीने घराजवळील एका पेट्रोल पंपाजवळ झाडाला दोरीच्या सहाय्याने गळफास घेऊन आत्महत्या केली. विठ्ठल किसन गजभार (५५) असे मयताचे नाव असून बेपत्ता बापाचा मुलगी शोध घेत होती, त्याच वेळी बाप मुलीला अशा अवस्थेत दिसला, की तिने हंबरडाच फोडला. हे दृश्य पाहून बघणारेही हेलावून गेले. त्यांच्या आत्महत्येचे नेमके कारण अद्याप समजून आलेले नाही.

काय आहे घटना?

जळगाव शहरातील दौलत नगर भागात विठ्ठल गजभार हे पत्नी, मुलगा व दोन मुलींसह दौलत नगर येथे वास्तव्यास होते. हातमजुरी करून ते कुटुंबाचा उदरनिर्वाह करत होते. मात्र, गेल्या काही दिवसांपासून ते घरीच होते.सोमवारी पहाटे त्यांनी घराजवळील एका मोकळ्या जागेत असलेल्या झाडाला गळफास घेवून आत्महत्या केली. सोमवारी सकाळी घरामध्ये विठ्ठल गजभार हे दिसून आले नाही. म्हणून कुटुंबियांनी त्यांचा घरासह परिसरामध्ये शोध सुरू केला. मात्र, ते कुठेही आढळून आले नाहीत.

त्यांचा शोध सुरू असताना सोमवारी सकाळी ९.३० वाजताच्या सुमारास त्यांच्याच लहान मुलीला एका मोकळ्या जागेतील झाडाला वडिलांचा मृतदेह गळफास घेतलेल्या अवस्थेत दिसून आला. हे पाहून मुलीने अक्षरशः हंबरडा फोडला. मुलीने ही घटना इतर कुटुंबातील सदस्यांना सांगितली.

हे पण वाचा.. 

माझ्यासोबत शारीरीक संबंध ठेव नाहीतर.. सख्या दिराने केलं वहिनीसोबत हादरवून सोडणार कृत्य

काँग्रेसमधील अंतर्गत कलह चव्हाट्यावर! बाळासाहेब थोरातांनी दिला पक्षनेते पदाचा राजीनामा

पेन्शनधारकांसाठी गुडन्यूज.. सरकारने काढला नवीन आदेश, काय आहे घ्या जाणून

जळगाव जिल्ह्यातील ‘या’ लाभार्थ्यांना मिळणार मिनी टॅक्ट्रर खरेदीवर तब्बल 90 टक्के अनुदान

घटनेची माहिती मिळाल्यानंतर पोलिसही घटनास्थळी दाखल झाले होते. त्यानंतर नागरिकांच्या मदतीने मृतदेह खाली उतरवून जिल्हा रूग्णालयात हलविण्यात आला. शवविच्छेदनानंतर मृतदेह नातेवाईकांच्या ताब्यात देण्यात आला.

या प्रकरणी एमआयडीसी पोलिसात अकस्मात मृत्यूची नोंद करण्यात आली आहे. विठ्ठल गजभार यांच्या आत्महत्येचे नेमके कारण अजून समजून आलेले नाही.