जळगाव;- तालुक्यातील पिलखेड येथील एका ६० वर्षीय व्यक्तीने आत्महत्या केल्याची घटना आज सकाळी उघडकीस आली असून परिसरात या घटनेमुळे खळबळ उडाली आहे . याबाबत तालुका पोलीस स्टेशनला अकस्मात मृत्यूची नोंद करण्यात आली आहे.
उत्तम काशीराम साळुंखे वय ६० असे मृत व्यक्तीचे नाव आहे.
सूत्रांनी दिलेली माहिती अशी कि , उत्तम साळुंखे यांनी आपल्या राहत्या घरात गळफास घेऊन आत्महत्या केल्याचे आज सकाळी 9 वाजेपुर्वी उघडकीस आले. याबाबत किशोर भगवान सपकाळे यांच्या खबरीवरून तालुका पोलिसात अकस्मात मृत्यूची नोंद करण्यात आली असून पुढील तपास पो.हे.कॉ. श्री.लोखंडे हे करीत आहे. दरम्यान, उत्तम साळुंखे आत्महत्या कोणत्या कारणासाठी केली हे स्पष्ट होऊ शकले नाही . या घटनेमुळे परिसरात हळहळ व्यक्त होत आहे.
