जळगाव दि.२६ -: पाळधी गावाजवळील साईबाबा मंदिरा सामोर अज्ञात टोळक्याने केलेल्या चाकूहल्ल्यात एरंडोल तालुक्यातील रहिवाशी कापूस व्यापाऱ्यांचा मृत्यू झाल्याची धक्कादायक घटना आज रात्री ८ ते ९ वाजेच्या सुमारास घडली असून मृत झालेल्या युवकाचे नाव स्वप्नील रत्नाकर शिंपी असं आहे.
स्वप्नील शिंपी हे दिलीप उर्फ गुड्डू राजेंद्र चौधरी(वय ३२, रा. फरकांडे) यांच्यासोबत भागीदारीमध्ये कापसाचा व्यापार करीत होते.
आज हे दोघे व्यापारी त्यांची कार होंडा सिटीने क्र. एम एच ०१ – ए एल ७१२७ आज ते जळगावला त्यांची माला ची रक्कम घेण्यासाठी आले आणि जळगावातून त्यांना मिळालेले रक्कम जवळपास १० ते १५ लाख रुपये घेऊन दोघी व्यापारी त्यांच्या गावी फरकांडे येथे जाण्यासाठी त्यांच्या कारने निघाले असता पाळधी गावापाशी असलेले साईबाबा मंदिराजवळच्या पेट्रोल पंपाजवळ आले असता मोटारसायकलींवरून आलेल्या अज्ञात ४ ते ५ जणांच्या टोळक्याने शिंपी यांच्या होंडा सिटी कारला त्यांच्या समोर मोटारसायकली आडव्या लावून कट का मारला म्हणून वाद घातला घालून शिंपी आणि त्यांच्या भागीदाराने त्यांना समजावण्याचा प्रयत्न केला परंतु कार चालवत असलेले स्वप्नील शिंपी यांना कारमधून या टोळक्याने बाहेर काढले त्यांच्या मागून पाठीवर, मांडीवर चाकूने सपासप वार केले.
या झटापटीत या टोळक्याने स्वप्निल दिलीप चौधरी यांच्या ताब्यातून पैशांची पिशवी हिसकावण्याचा प्रयत्न केला परंतु दिलीप चौधरी व स्वप्नील शिंपी यांच्या प्रतिकारामुळे या टोळक्याचा पैसे हिसकावण्याचा प्रयत्न फसला व त्यांची ही रक्कम वाचली ही घटना बघत व आरडा ओरड सुरु असताना जवळच असलेले पेट्रोलपंपावर ३ ते ४ जणांनी दोघांच्या मदतीला धावून आले व ते लोक येत असल्याचे पाहून सावध झालेल्या हल्लेखोरांच्या तावडीतून चौधरी थोडक्यात वाचले मदतीला आलेले लोक पाहून हे हल्लेखोर पसार झाले. परंतु तो पर्यंत स्वप्नील शिंपी गंभीर जखमी जखमी होऊन सुध्दा या अवस्थेत दगड – विटांनी या टोळक्याचा प्रतिकार करीत पाळधीच्या दिशेने मदत मिळावी या आशेने धावण्याचा प्रयत्न करीत होते व
त्यांचे व्यापारी मित्र दिलीप चौधरी हेही जमेल तसा या हल्लेखोरांचा हल्ला अडवण्याचा प्रयत्न करीत होते.
मदतीला धावून आलेल्या लोकांच्या सहकार्याने रुग्णवाहिकेतून स्वप्नील शिंपी त्यांना जळगावच्या जिल्हा शासकीय वैद्यकीय महाविद्यालय रुग्णालयात दाखल करण्यात आले परंतु तोपर्यंत स्वप्निल शिंपी यांचा मृत्यू झाला. असे डॉक्टरांनी तपासल्यानंतर घोषित केले पोलिसांचा पुढील तपास सुरू आहे.
