पारोळा प्रतिनिधी । शहरातील मच्छी मार्केटमधील मेडीकल स्टोअर दुकानाचे शटरचे कुलूप तोडून अज्ञात चोरट्यांनी ५६ हजार रूपयांची रोकड लांबविल्याची घटना मध्यरात्री घडली. याप्रकरणी पारोळा पोलीस ठाण्यात अज्ञात चोरट्यांवर गुन्हा दाखल करण्यात आला आहे.
पारोळा शहरातील बाजापेठ जुने मच्छी मार्केट समोर दिव्या मेडीकल हे एकनाथ भगवान देसले (वय-२५) यांचे नावाचे दुकान आहे. १८ ऑगस्ट रोजी रात्री ९ वाजता मेडीकल दुकान बंद करून घरी निघून गेले. मध्यरात्री अज्ञात चोरट्यांनी मेडीकल स्टोअर दुकानाचे शटरचे कुलूप तोडून दुकानातील ५६ हजार रूपयांची रोकड लांबविल्याचे काल १९ ऑगस्ट रोजी उघडकीला आले.
याप्रकरणी एकनाथ देसले यांनी पारोळा पोलीसात तक्रार दिली आहे. त्यांच्या तक्रारीवरून पारोळा पोलीसात अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक प्रविण पाटील करीत आहे.
