जळगाव, (प्रतिनिधी)- जिल्ह्यातील पत्रकारांसाठी आयोजित करण्यात आलेल्या कोरोना लसीकरण शिबिराचा शुभारंभ पालकमंत्री ना. गुलाबराव पाटील यांच्या उपस्थित आज दिनांक ९ मे रोजी शहरातील चेतनदास रुग्णालय येथे करण्यात आला. यावेळी जिल्हा शल्य चिकित्सक डॉ.एन.एस.चव्हाण, जिल्हा माहिती अधिकारी विलास बोडके, महापालिकेचे वैद्यकीय अधिकारी डाॅ रावलाणी,राज्य मराठी पत्रकार संघांचे उत्तर महाराष्ट्र अध्यक्ष प्रविण सपकाळे यांच्यासह जेष्ठ पत्रकार व विविध माध्यमांचे प्रतिनिधी उपस्थित होते.राज्यात पहिल्यांदाच जळगाव जिल्ह्यातील पत्रकारांसाठी लसीकरण शिबिराचे आयोजन करण्यात आल्याने पत्रकार बांधवानी समाधान व्यक्त केले आहे.
दरम्यान या शिबिरास जळगाव शहराचे आमदार सुरेश भोळे, महापौर जयश्रीताई महाजन, दैनिक दिव्य मराठीचे निवासी संपादक दीपक पटवे यांनी भेट दिली.
दुपारी 2.00 वाजेपर्यंत 153 पत्रकार नोंदणीसाठी आले होते. तर आतापर्यंत 90 पत्रकारांचे लसीकरण पूर्ण झाले आहे तर यावेळी जेष्ठ पत्रकार विजय बापू पाटील, अशोक भाटिया, राज्य पत्रकार संघांचे उत्तर महाराष्ट्र अध्यक्ष प्रविण सपकाळे यांनी लस टोचून घेतली.
