जळगाव – आपल्या ग्राहकांना खरेदीचे स्वातंत्र्य देणार्या नवजीवन सुपरशॉपतर्फे सातत्याने नावीन्यपूर्ण योजना राबविण्यात येत असतात. दि. 14 नोव्हेंबर बालदिनानिमित्त खास बालकांसाठी नवजीवनने व्यवहान ज्ञान व जबाबदारी अनुभवण्याचा एक अभिनव प्रयोग करण्याचे ठरविले आहे.
आजच्या स्पर्धेच्या युगात केवळ पुस्तकी ज्ञान असून चालत नाही तर व्यवहारचातुर्यालादेखील महत्व आहे. लहान मुलांमध्ये वस्तू खरेदीच्या वेळेस घ्यावयाची जबाबदारी, आर्थिक व्यवहार करण्याचा अनुभव यावा यासाठी बालकदिनी खास बाल ग्राहकांसाठी एक अनोखा प्रयोग करण्यात येणार आहे. पालकांनी आपल्या घरातील पाल्यांना वस्तूंची यादी बनवून शाळेच्या ओळखपत्रासह नवजीवनच्या कोणत्याही शाखेत खरेदी करण्यासाठी पाठवावे. नवजीवन सुपरशॉपमध्ये या पाल्यांनी खरेदी करावयाची आहे व केलेल्या खरेदीसोबत बिलींग करताना आपले शाळेचे ओळखपत्र दाखवायचे आहे. ओळखपत्र असणार्या प्रत्येक पाल्याला त्याने केलेल्या खरेदीवर 3 टक्के विशेष सुट देण्यात येणार आहे. म्हणजेच नवजीवन सोबत मुलांना व्यवहारचातुर्य शिकविण्यासोबतच बचतीचे महत्वदेखील अधोरेखीत करता येणार आहे. उद्याचे सक्षम, व्यवहारचतुर, जबाबदार नागरिक घडविण्यासाठी प्रत्येक पालकांनी आपल्या विद्यार्थ्यांना या अनोख्या प्रयोगात सहभागी करावे, असे आवाहन नवजीवन सुपरशॉपतर्फे करण्यात आले आहे.
