पाचोरा : ३० वर्षीय तरुणाचं संतापजनक कृत्य समोर आलं आहे. स्वत:च्या मुलीसोबत खेळण्यासाठी आलेल्या ३० वर्षीय तरूणाने ६ वर्षीय मुलीवर अत्याचार केल्याची धक्कादायक घटना पाचोरा शहरातून समोर आली आहे. दरम्यान, याप्रकरणी गुरुवारी पाचोरा पोलीस ठाण्यात गुन्हा दाखल झाला असून संशयिताला अटक करण्यात आली आहे.
मिळालेल्या माहितीनुसार, पाचोरा शहरातील ६ वर्षीय मुलगी संशयित आरोपीच्या घरी दुपारी त्याच्या मुलीसोबत खेळण्यास गेली होती. तेव्हा आरोपी तरुणाने तिला लज्जा निर्माण होईल, असं कृत्य केले. हा प्रकार समोर आल्यानंतर पीडित मुलीच्या आजीने पोलिसात तक्रार दिली. त्यानंतर पीडितेची वैद्यकीय तपासणी करण्यात आली. त्यानुसार याबाबत पाचोरा पोलिसात गुन्हा नोंदविण्यात आला आहे. तसंच संशयित तरुणाला पोलिसांनी ताबोडतोब ताब्यात घेतलं आहे.
दरम्यान, या घटनेने जिल्ह्यात मोठी खळबळ उडाली आहे. याप्रकरणी पुढील तपास पोलीस निरीक्षक किसनराव नजन पाटील यांच्या मार्गदर्शनाखाली पोलीस कर्मचारी करत आहेत.
