जळगाव, (प्रतिनिधी)- भुसावळ तालुक्यातील एका गावात राहणाऱ्या ६ वर्षीय मुलावर एका नराधमाने अनैसर्गिक कृत्य केल्याचा धक्कादायक प्रकार उघडकीस आल्याने खळबळ उडाली असून याप्रकरणी एकावर गुन्हा दाखल करण्यात आला आहे.
सविस्तर असे की,भुसावळ तालुक्यातील वरणगाव शहरातील एका भागात राहणाऱ्या ६ वर्षीय मुलगा आपल्या कुटुंबियांसह वास्तव्याला आहे. ३ एप्रिल रोजी दुपारी १२ ते १.३० वाजेच्या सुमारास मुलगा घरी असतांना संशयित आरोपी फैजल अश्फाक शेख याने मुलाला जवळ बोलावून नविन बॉल घेण्यासाठी २० रूपये देतो असे सांगून त्याच्या घरात घेवून गेला व त्याच्यावर अनैसर्गिक अत्याचार केला.
सदर धक्कादायक प्रकार मुलाच्या घरच्यांच्या लक्षात आल्याने त्यांनी वरणगाव पोलीस ठाण्यात धाव घेवून तक्रार दिली. त्यांच्या तक्रारीवरून संशयित आरोपी फैजल अश्फाक शेख याच्यावर बाल लैंगिक अत्याचार केल्याप्रकरणी गुन्हा दाखल करण्यात आला आहे. पुढील तपास पोलीस उपनिरीक्षक परशुमरा दळवी करीत आहे.
