चाळीसगाव प्रतिनिधी | येथील १६ वर्षीय अल्पवयीन मुलाने गळफास घेऊन आत्महत्या केल्याची धक्कादायक घटना बुधवारी दुपारी उघडकीस आली. लक्ष्मण संजय पवार असे मृत मुलाचे नाव आहे. याप्रकरणी चाळीसगाव शहर पोलिसांत अकस्मात मृत्यूची नोंद झाली आहे.
याबाबत असे की, लक्ष्मण हा गेल्या दाेन महिन्यांपासून शहरातील पाटणादेवीराेड, हरगीरबाबा नगर येथे आपल्या मामांकडे राहत हाेता. त्याचे आई-वडील भिवंडी येथे कामानिमित्त राहतात. बुधवारी दुपारी घरात काेणी नसताना त्यांने गळफास घेतला. दुपारी २.३० वाजेच्या सुमारास ही घटना उघडकीस आली. त्यांना समाेरचे दृष्य पाहून धक्काच बसला. शहर पोलिसांना माहिती मिळताच त्यांनी घटनास्थळी धाव घेत पाहणी केली व घटनास्थळाचा पंचनामा केला. आत्महत्येचे कारण समोर आलेले नाही. चाळीसगाव शहर पोलिसांत अकस्मात मृत्यूची नोंद झाली आहे.
