फैजपूर । शहरातील एका भागात राहणाऱ्या एका १४ वर्षीय अल्पवयीन मुलीचा घरात घुसून तिचा विनयभंग केल्याचा प्रकार उघडकीला आला आहे. अर्जून सिध्दार्थ केदारे असे संशयित आरोपीचे नाव असून त्याच्याविरुद्ध फैजपूर पोलीस ठाण्यात गुन्हा दाखल करण्यात आला आहे.
सविस्तर असे की, शहरातील एका भागात १४ वर्षीय मुलगी आपल्या कुटुंबियासह राहते. ३० ऑक्टोबर रोजी रात्री अल्पवयीन मुलगी घरात एकटी असतांना गावातील अर्जून सिध्दार्थ केदारे रा. फैजपूर याने अल्पवयीन मुलीच्या घरात घुसून तिचा जबरदस्ती हात पकडला. तरूणाने तिच्या मनास लज्जा उत्पन्न होईल असे कृत्य करून मुलीचा विनयभंग केला. हा प्रकार अल्पवयीन मुलीने कुटुंबियातील सदस्यांना सांगितला. पिडीत मुलीच्या फिर्यादीवरून संशयित आरोपी अर्जून केदारे याच्याविरोधात फैजपूर पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक एम.जे. शेख करीत आहे.
–
