जामनेर,(बाळू वाघ) –… त्या आरोपांचे जामनेर तहसीलदार अरुण शेवाळे यांनी खंडन केले असून असा कुठलाही अनुचित प्रकार घडला नाही असा खुलासा देखील तहसीलदार यांनी दैनिक नजरकैदशी बोलतांना सांगितले तर आरोप करणारे रणजित महाजन यांनी देखील तहसीलदार अरुण शेवाळे यांच्या बाबत चुकून बोलल्या गेले असा पुन्हा व्हिडीओ बाईट देऊन खुलासा केल्याने या प्रकरणावर पडदा पडला.
जामनेर तहसीलदार अरुण शेवाळे यांनी मद्यधुंद अवस्थेत आपल्या दोन साथीदाराच्या सहाय्याने गैरवर्तन करीत अंगावर धावून येऊन मारण्याचा प्रयत्न केला तर एका मुलाला लाथेने तुडवत हाकलून लावले होते असे आरोप संचालक रंणजित महाजन यांनी केला होता.मात्र हे आरोप तहसीलदार अरुण शेवाळे यांनी खोडून काढले आहे.
तहसीलदार अरुण शेवाळे बोलतांना पुढे म्हणाले की, मला रात्री अवैध वाळू वाहतुकीची माहिती मिळाली होती त्या नुसार मी त्या रस्त्याने जात असतांना रंणजित महाजन यांच्या आर.ओ. प्लान्टवर गर्दी दिसली त्या गर्दीला कमी करण्याच्या उद्देशाने मी तिथे गेलो होतो.गर्दी कमी केल्यावर श्री. महाजन यांच्या सोबत विचारपूस केली या व्यतिरिक्त त्या ठिकाणी काहीच झाले नसल्याचे त्यांनी यावेळी बोलतांना सांगितले. तसेच माझ्या मागे काही गर्दी होती. त्यातले काही पिलेले असतील तर मला माहित नाही. त्यांचा गैरसमज झाला की ते लोक माझ्या सोबत होती. गैरसमजातून हा प्रकार घडला आहे असेही ते म्हणाले.
