अमळनेर : अमळनेर शहराला बारमाही पाणीपुरवठा होण्यासाठी तापीमाय सतत वाहत राहून अमळनेरच्या जनतेवर कृपादृष्टी राहू दे म्हणून माजी नगरसेवकांच्या पहिल्या आघाडीने आज विधीवत पूजा करून साडी चोळीचा आहेर जळोदच्या पाणीपुरवठा तापी डोहावर अर्पित केला.
यावर्षी उन्हाळ्याच्या शेवटी शेवटी पिण्याच्या पाण्यासाठी जनतेला १५ ते २० दिवस वंचित रहावे लागले. मात्र काल तापीला भरपूर पाणी आल्याने नागरिकांनी सुटकेचा निश्वास सोडला. हे पाणी सतत वाहत रहावे व जनतेची सोया व्हावी यासाठी माजी उपनगराध्यक्ष डॉ.राजेंद्र पिंगळे,गोपी कासार, माजी नगरसेवक राजू फापोरेकर, भूत बापू, साहेबराव पवार,नीलेश भांडारकर,नरेश कांबळे,बिंदू सोनवणे, अवि डी.जे यांनी आज तापीनदीवर जाऊन मनोभावे पूजा केली व अमळनेरात पुन्हा पाण्याचे संकट येवू नये, अशी प्रार्थना केली.
