जळगाव । आजकाल दिवसाढवळ्या कोणीही चाकूने वार, मारहाण करत असल्याच्या अनेक घटना समोर आले आहे. अशातच एक भांडणाचा व्हिडीओ व्हायरल जळगावतून समोर आला आहे. यात भररस्त्यात तरुणी तरुणावर चाकू हल्ला करत त्याला जखमी केलं आहे. या घटनेचा व्हिडिओ सध्या सोशल मीडियावर व्हायरल होत असल्याने खळबळ उडाली आहे. मात्र या घटनेत पोलिसात कोणतीही तक्रार किंवा गुन्हा दाखल नसल्याचे समजते आहे.
नेमका काय आहे प्रकार?
हा व्हिडिओ जळगाव शहरातील अजिंठा चौफुली परिसरातील महा मार्गावरील असल्याचं सांगितलं जातं आहे. सकाळी 11 ते 1 वाजण्याच्या दरम्यानची ही घटना घडली आहे.अजिंठा चौकामध्ये एक तरुण आणि तरुणीचा भर चौकात गोंधळ सुरु होता. यावेळी त्या दोघांमधील वाद वाढत गेल्यानंतर काही वेळाने तरुणीने आपल्याकडचा छोटा चाकू काढून तरुणाच्या छातीत वार केला.
हे पण वाचा..
सामान्य माणसाची किती बँक खाती असावीत? काय आहे सरकारी नियम ; हे जाणून घेणे गरजेचे ..
मोचा चक्रीवादळ आज बंगालच्या उपसागरात धडकणार ; महाराष्ट्रावर काय परिणाम होणार?
मोठी घोषणा..! शासकीय ITI विद्यार्थ्यांना मिळणार दरमहा ५०० रुपये
शिधापत्रिकाधारकांना मोठा दिलासा! देशभरात ‘हा’ नवीन नियम झाला लागू, काय आहे आताच जाणून घ्या?
तरुणीने तरुणावर वार करताच चाकूच्या पुढील भागाचे टोक युवकाच्या छातीत घुसले त्यामुळे तरुणाच्या छातीतून रक्ताची धार लागली होती. तरुण जखमी झाल्यानंतर आणि त्याच्या छातीत रक्त वाहू लागले तरीही तरुणी त्याला चाकू मारण्याचा प्रयत्न करीत होती.
यावेळी त्या दोघींचे वाद विकोपाला गेल्यामुळे हा हल्ला झाला होता. त्यावेळी तरुणी तरुणावर पुन्हा पुन्हा वार करण्याचा प्रयत्न करत होती. तर त्याच वेळी तो तरुण मात्र हातातून चाकू हिसकवून घेण्याचा प्रयत्न करीत होता. सुमारे अर्धा ते पाऊण तास हा गोंधळ सुरु होता.व्हिडिओत दिसणारे हे तरुण आणि तरुणी कोण आहेत? याचा उलगडा होऊ शकला नाही. या प्रकरणाचा शोध स्थानिक पोलिस प्रशासन घेत आहे.
