जळगाव - डॉ.उल्हास पाटील रुग्णालयात गरोदर स्त्रीची गर्भपिशवी यशस्वीरित्या काढून किचकट प्रसृती सुलभपणे करण्यात यश आले आहे. दरम्यान बाळ, बाळंतीणची सुखरुप आहे. डॉ.उल्हास पाटील रुग्णालयात प्रसृतीसाठी नंदा सपकाळे (वय २३) हि गरोदर महिला दाखल झाली होती. प्रसृतीदरम्यान गरोदर स्त्रीच्या गर्भपिशवीतील आतल्या स्तरामध्ये नाळ घट्ट चिकटलेली होती. या अवस्थेत गर्भपिशवी काढणे अत्यावश्यक असून यातील गुंतागुंतीच्या क्रियेमुळे तसेच अतिरक्तस्त्राव होत जिवीतालाही धोका होऊ शकतो, याची माहिती गरोदर महिलेच्या नातेवाईकांना देण्यात आली. त्यांनी शस्त्रक्रिेयेसाठी तात्काळ होकार दिला असून डॉ.शुभांगी चौधरी यांनी शस्त्रक्रिया केली. यात सुरुवातीला सिजर करत बाळाला सुखरुप बाहेर काढतांना गर्भपिशवीवरील शस्त्रक्रियाही सुलभरित्या करण्यात आली. दरम्यान शस्त्रक्रियेद्वारे अत्यल्प रक्तस्त्राव झाल्याचे डॉ.चौधरी यांनी सांगितले. दरम्यान बाळ, बाळंतीण सुखरुप आहे. गर्भपिशवी यशस्वीरित्या काढण्याची शस्त्रक्रिया डॉ.शुभांगी चौधरी यांच्यासह डॉ.माया आर्विकर, डॉ. स्नेहल गवारे, डॉ.जया शिंदे, डॉ.दिपीका ललवाणी, डॉ.यशश्री, डॉ.महेश, भुलरोग तज्ञ डॉ.महाजन, डॉ.देवेंद्र चौधरी यांनी सहकार्य केले. अत्याधुनिक साधनं व सर्व सुविधा एकाच छताखाली असल्याने यश - डॉ.शुभांगी चौधरी डॉ.उल्हास पाटील रुग्णालयात उपलब्ध अत्याधुनिक साधनांमुळे व सर्व सुविधा एकाच छताखाली असल्याने सदर रुग्ण नंदाची प्रसृतीसह गर्भपिशवी काढण्याची गुंतागुंतीची शस्त्रक्रिया यशस्वी झाली. सेंट्रल प्लेसेंटा प्रिव्हीया अक्रेटा गर्भपिशवीच्या तोंडावर आल्याने गर्भपिशवी काढणे हाच मार्ग असतो. दरम्यान यात अतिरक्तस्त्राव होण्याची शक्यता असते तसेच रुग्णाच्या जिवीतालाही धोका निर्माण होतो. ही सर्व माहिती रुग्णाच्या नातेवाईकांना देण्यात आली त्यांनी देखील आमच्यावर विश्वास ठेवत प्रसृतीसाठी परवानगी दिली आणि अथक परिश्रमाने शस्त्रक्रिया यशस्वी पार पडली. यात प्रसृती उगमस्थळी असलेल्या धमण्यांचीही नीट बांधणी करण्यात आली. नंदाच्या पहिल्या प्रसृतीनंतर एक दीड वर्षाच्या काळातच दुसरी प्रसृती राहिल्याने अशी समस्या निर्माण होऊ शकते. शस्त्रक्रियेनंतर आता बाळ, बाळंतीन दोघांची प्रकृती धोक्याबाहेर असून नातेवाईकांच्या चेहर्यावर समाधान दिसून आले
