नाशिक : राज्यात शिवसेना उद्धव बाळासाहेब ठाकरे गटाला लागलेली गळती काही थांबण्याचे नाव घेत नाहीय. एकीकडे पक्षप्रमुख उद्धव ठाकरे आणि आदित्य ठाकरे हे नव्याने पक्षउभारणीची तयारी करत असताना, दुसरीकडे शिंदे गटात जोरदार इनकमिंग सुरू आहे. अशातच नाशिकमध्ये ठाकरे गटाला मोठा धक्का बसला आहे. ठाकरे गटातील डझनभर माजी नगरसेवक शिंदे गटाने आपल्या गळाला लावले आहेत. विशेष म्हणजे ठाकरे गटाला हे खिंडार शिवसेना नेता खासदार संजय राऊत माघारी फिरत असतांना पडल्यानं राजकीय वर्तुळात जोरदार चर्चा सुरू आहे.
आज शुक्रवारी नाशिकमधील १२ माजी नगरसेवकांनी शिंदे गटात प्रवेश केला आहे. हा प्रवेश सोहळा मुख्यमंत्री एकनाथ शिंदे यांच्या उपस्थितीत पार पडला.
यांनी केला शिंदे गटात प्रवेश?
ठाकरे गटाचे मनपाचे विरोधी पक्षनेते अजय बोरसे, नगरसेवक सूर्यकांत लवटे, सुवर्णा मटाले, माजी स्थायी समिती सभापती आर. डी. धोंगडे, नगरसेवक ज्योती खोले, सुदाम डेमसे, जयश्री खरजुल, प्रताप मेहरोलिया, चंद्रकांत खोडे, पूनम मोगरे, राजू लवटे, आणि मनसेचे सचिन भोसले यांचा पक्षप्रवेश झाला आहे.
हे पण वाचा..
आयुध कारखाना भुसावळ येथे ‘या’ पदांसाठी बंपर भरती ; किती पगार मिळेल? पात्रता काय? जाणून घ्या
डान्स करताना महिलेला आला हार्ट अटॅक ; मन हेलावून टाकणारा VIDEO व्हायरल
…म्हणून पतीने पत्नीसोबतचे बेडरूममधील व्हिडिओ केले व्हायरल
दरम्यान, शिंदे गटासह भाजपवर हल्लाबोल करत संजय राऊत यांनी मुंबईची वाट धरली होती. नाशिककडे पाठ करून मुंबईच्या दिशेने जात असतांना नाशिकची हद्दही सोडलेली नसतांना ठाकरे गटाच्या जवळपास १२ माजी नगरसेवकांनी शिंदे गटात प्रवेश केला आहे. यामुळे राजकीय वर्तुळात जोरदार चर्चा सुरू आहे.
