जळगाव, (प्रतिनिधी) बायोडिझेलच्या नावाखाली अवैध इंधनविक्रीचा प्रकार सऱ्हासपणे सुरु असल्याचं उघडकीस आलं आहे.
बायोडिझेल पंपांनी जिल्हा प्रशासनाची कुठलीही परवानगी तर घेतलेली नाही असा स्पष्ट खुलासा जिल्हा पुरवठा अधिकारी सुनील सूर्यवंशी यांनी ‘नजरकैद’ बोलतांना केला आहे.शिवाय त्याचे नोझल स्टँपिंगही करण्यात आलेले नसल्याचे समजते.
बायोडिझेलच्या नावाखाली इंधनाच्या काळ्या बाजाराने जळगाव जिल्ह्यात बस्तान बसवले आहे. जिल्ह्यात हायवे, तसेच आडमार्गाला बायोडिझेल पंप आहेत. विशेष म्हणजे या पंपावर नेमके कोणते इंधन विकले जाते, याची माहितीच नाही. रोज वेगवेगळ्या ठिकाणांहून येथे माल येतो. तो नेमका कुठून येतो, याचे अधिकृत रेकॉर्डच उपलब्ध नसल्याचे व्यावसायिकांचे म्हणणे आहे. कारवाई होऊ नये म्हणून वेगवेगळ्या शक्कल लढवली जात आहे.वेळेतच कारवाई करणे आवश्यक आहे.
