जळगाव प्रतिनिधी | जळगाव जिल्हा बँकेच्या निवडणुकीत उमेदवारांच्या अर्ज छाननीत अर्ज बाद ठरलेल्या नऊ उमेदवारांनी विभागीय सहनिबंधकांकडे अपील दाखल केले हाेते. त्यात माजी आमदार स्मिता वाघ आणि मुक्ताईनगर येथील नाना पाटील, दिलीप पाटील यांच्यासह आठ जणांचे अपील अर्ज फेटाळले आहेत. तर एका उमेदवाराचा अर्ज पात्र ठरला आहे.
अपील फेटाळलेले सर्व उमेदवार हे भाजपचे आहेत.जिल्हा बँकेत निवडणूक निर्णय अधिकाऱ्यांनी उमेदवारी अर्ज बाद केल्याने त्यांच्या निर्णयाविराेधात उमेदवारांनी नाशिक विभागीय सहनिबंधकांकडे अपील दाखल केले हाेते. या अपीलावर सुनावणी हाेवून २८ अाॅक्टाेबर राेजी निर्णय देण्यात आला. या निर्णयात आठ जणांच्या अर्जावर खाली निवडणूक निर्णय अधिकाऱ्यांनी दिलेला निर्णय पुढेही कायम ठेवून अपील फेटाळण्यात आले.
त्यामुळे भाजप उमेदवार माजी आमदार स्मिता वाघ, नाना पाटील, माधुरी अत्तरदे, दिलीप पाटील, प्रकाश पाटील यांच्यासह आठ जण उमेदवारी रिंगणातून बाहेर झाले आहेत. तर महेंद्र सपकाळे यांचा अर्ज मंजूर करण्यात आला. अर्ज फेटाळलेले उमेदवार खंडपीठात याचिका दाखल करण्याची शक्यता आहे. त्यांना न्यायालयात दिलासा मिळताे का? यावरच त्यांच्या उमेदवारी अर्जाचे भवितव्य अवलंबून राहणार अाहे.
