महाविकास आघाडीत तीन पक्ष एकत्र असूनही भाजपा पहिल्या क्रमांकाचा पक्ष – देवेंद्र फडणवीस

जिल्हा परिषद, पंचायत समितीचे निकाल कालच जाहीर झाले असून यात भारतीय जनता पक्षाने बाजी मारत पुन्हा एकदा नंबर १ चा पक्ष म्हणून ठरला आहे.या निकाला नंतर भाजपा नेते देवेंद्र फडणवीस यांनी महाविकास आघाडीवर निशाणा साधला आहे.
राज्यातील सहा जिल्हा परिषदा आणि ३८ पंचायत समित्यांमधील रिक्त पदांसाठी झालेल्या पोटनिवडणुकीत भारतीय जनता पार्टीला राज्यातील प्रमुख राजकीय पक्षांमध्ये सर्वाधिक जागा मिळाल्या आहेत.

विरोधी पक्ष नेते देवेंद्र फडणवीस यांनी आपल्या ट्विटर हॅण्डलवरुन ट्विट करत म्हटलं की, महाविकास आघाडी पक्षांमध्ये ‘तीन’ पक्ष एकत्र असून सुद्धा ६ जिल्ह्यांमधील जिल्हा परिषद, पंचायत समितीच्या निवडणुकांद्वारे भाजपाला नंबर एकचा पक्ष ठरला असल्याचं म्हटलं आहे .

दरम्यान ग्रामपंचायत निवडणुकांनंतर पुन्हा जिल्हा परिषद, पंचायत समिती निवडणुकांमध्येही भाजपावर विश्वास ठेवल्याबद्दल देवेंद्र फडणवीस यांनी मतदारांचे आभार मानले आहे.

BJP emerges as the No 1 party,once again!
Thank you voters for trusting us, in Zilla Parishad,Panchayat Samiti by Elections in 6 districts !
After the GramPanchayat elections, in these elections too, @BJP4Maharashtra is No1, constantly growing despite 3 parties together in MVA. pic.twitter.com/0te0vZN8mR

— Devendra Fadnavis (@Dev_Fadnavis) October 6, 2021