जळगाव- जिल्हा परिषद मध्ये पोषण आहार, तसेच विविध विषयावर सभा गाजली. जिल्हा परिषदेची सभा हे १७ जून रोजी होणार किंवा नाही याबाबत सदस्यांमध्ये संभ्रम निर्माण झाला होता.त्यामुळे सभाचे अजेंडा १ जून रोजी तयार झाल्याचे भासवण्यात आले.तसेच तडकाफडकीमध्ये अजेंडा टपाल मार्फत न देता. बाय हॅन्ड देण्यात यावा अशी व्यवस्था जि.प कडून करण्यात आल्याचे सांगितले होते.
पण अनेक सदस्यांना अजेंडा वेळेवर न मिळाल्याने लालचंद पाटील यांनी जळगावचे गट विकास अधिकारी यांना धारेवर धरले. तसेच पोषण आहार संबंधित दोन वर्षांपासून गुन्हा दाखल का करण्यात आले नाही अशी विचारणा पल्लवी सावकारे व जयपाल बोडदे यांनी मुख्य कार्यकारी अधिकारी बी.एन.पाटील यांच्याशी विचारणा केली. तसेच त्यांनी ठेकेदाराला पाठीशी घालण्याचे कामे इथे केले जात असल्याचं आरोप ही यावेळी करण्यात आले.
तसेच जिल्हा परिषद मार्फत दिव्यांगांसाठी खाजगी संस्थांना १ कोटी रुपये दिले जातात मात्र त्या दिव्यांगांसाठी जिल्हा परिषदमध्येच काही सुविधा नसल्याने त्यांचे हाल होत असल्याने त्यांच्यासाठी अपंग सेवा केंद्र सुरु करण्यात यावा अशी मागणी नानाभाऊ महाजन यांनी केली.
