जळगाव, (प्रतिनिधी)- कोरोना वाढता संसर्ग लक्षात घेता जळगाव जिल्ह्यात दि. 30 एप्रिल पर्यंत लागु निर्बंधांबाबत जिल्हाधिकारी यांनी आज दिनांक 11 एप्रिल रोजी स्पष्टीकरणात्मक आदेश काढले आहेत.
काय असणार नवीन निर्बंध….
खाजगी कार्यालयातील कर्मचारी, सार्वजनिक वाहतूक यांच्याशी संबंधित कर्मचारी,फिल्म, सिरीयल, जाहिरात यांचेशी संबंधित कर्मचारी,होम डिलिव्हरी सुविधा पुरविणारे कर्मचारी, विविध परीक्षेचे आयोजन शी संबंधित कर्मचारी, मंगल कार्यालयातील कर्मचारी, खाद्यपदार्थ विक्रेते,औद्योगिक निर्मिती करणारे घटकात काम करणारे कामगार / कर्मचारी स्टाफ इत्यादी.संबंधित कर्मचारी, इ कॉमर्स मधील कर्मचारी, बांधकामाच्या ठिकाणी काम करणारे कर्मचारी, आरबीआय संलग्न कार्यालयातील कर्मचारी यांनी covid-19 लसीकरण न केल्यास त्यांना rt-pcr चाचणीचा निगेटिव्ह अहवाल सोबत ठेवणे अनिवार्य राहील.
तथापि rt-pcr चाचणी ऍनिटीजन चाचणी असे वाचण्यात यावे.सदरचा आदेश दिनांक 10 एप्रिल 2021अंमलात येईल. मात्र चाचणी करताना कोविड सदृश लक्षणे असल्यास rt-pcr चाचणी करावी.
आपले सरकार सेवा केंद्र, सेतू सुविधा केंद्र,सीएससी सेंटर्स,पासपोर्ट सेवा केंद्र हे सोमवार ते शुक्रवार सकाळी सात ते रात्री आठ वाजता सुरू ठेवता येतील. सर्व वृत्तपत्रे मासिके जनरल नियतकालिके हे दररोज सकाळी सात ते रात्री 8 वाजेपर्यंत वितरित करता येतील, तथापि सदर अस्थापना शी निगडीत सर्व कर्मचारी यांनी भारत सरकार यांच्या कडील निर्देशानुसार लवकरात लवकर सद्यस्थितीत 45 वर्ष वय लसीकरण करून घ्यावे.तसेच घरपोच वाटप करणाऱ्या कर्मचाऱ्यांनी antigen चाचणी निगेटिव्ह असल्याचे प्रमाणपत्र सोबत ठेवावे त्याची वैधता पंधरा दिवस असेल हा नियम दिनांक 10 एप्रिल पासून लागू राहील.
व्हेटर्नरी हॉस्पिटल, ॲनिमल केअर सेंटर,पेट शॉप हे दररोज सकाळी सात ते रात्री आठ या वेळेत सुरू राहतील तसेच अंडी, चिकन,मासे, मटण, जनावरांचा चारा इत्यादी विक्री करणारी दुकाने आणि या सर्व बाबी करिता आवश्यक असलेला कच्चा माल पुरवठा करणारी दुकाने,गोदामे व वाहतूक व्यवस्था,पाळीव प्राण्यांच्या नैसर्गिक विधीसाठी, व्यायामासाठी घराबाहेर घेऊन जाण्यासाठी तसेच प्राणी कल्याणाच्या अनुषंगाने आवश्यक असलेल्या व जीवन आवश्यक असलेल्या पशु अन्नपदार्थांची विक्री करणारी दुकाने दररोज सकाळी सात ते रात्री आठ या वेळेत सुरू ठेवता येतील.
तथापि सदर अस्थापना शी निगडीत सर्व कर्मचाऱ्यांनी भारत सरकार यांच्या निर्देशानुसार लवकरात लवकर सद्यस्थितीत 45 वर्षे वय लसीकरण करून घ्यावे तसेच घरपोच वाटप करणाऱ्या कर्मचाऱ्यांनी antigen चाचणी निगेटीव्ह असल्याचे प्रमाणपत्र सोबत ठेवावे याची वैधता पंधरा दिवसाचे लहान दिनांक 10 एप्रिल 2021 पासून लागू राहील.
सदर आदेशाचे उल्लंघन केल्यास सदर बाब ही भारतीय दंड संहिता 1860 (45) चे कलम 188 आपत्ती व्यवस्थापन कायदा 2005 मधील कलम 51 ते 60 व फौजदारी प्रक्रिया संहिता 1973 मधील तरतुदीनुसार शिक्षेस पात्र राहतील.सदरचा आदेश आज दिनांक 11एप्रिल 2021रोजी जिल्हाधिकारी यांनी काढले आहेत.
