जळगाव | जळगाव जिल्हा दूध संघाच्या निवडणुकीच्या मतमोजणीला आज सकाळी ८ वाजेपासून सुरु झाला आहे. यामध्ये सुरुवातीलाच भुसावळचे आमदार संजय सावकारे यांनी शेतकरी विकास पॅनलकडून विजयी झाले आहे. आमदार संजय सावकारे यांना 264 इतकी मते मिळाली. यामुळे आमदार सावकारे हेविजयी झाले.
भुसावळचे आमदार संजय सावकारे यांनी शेतकरी विकास पॅनलकडून अनुसुचीत जाती या प्रवर्गातून उमेदवारी अर्ज दाखल केला होता. त्यांच्या विरूध्द ब्रह्मे यांनी उमेदवारी केली होती. या लढतीत सावकारे विजयी झाले.
एकीकडे शेतकरी विकास पॅनलची विजयी घोडदौड सुरू असतांनाच ओबीसी मतदारसंघातून पराग मोरे यांच्या रूपाने सहकार पॅनलने खाते उघडले आहे. ओबीसी मतदारसंघातून पराग मोरे यांची लढत शेतकरी विकास पॅनलच्या गोपाळ भंगाळे यांच्यासोबत होती. या लढतीत मोरे यांनी बाजी मारली आहे.
तसेच भाजपचे मंत्री गिरीश महाजन यांचे विश्वासू असलेले अरविंद देशमुख हे विजयी झाले आहे. ते 90 मतांनी विजयी झाले.
