जळगाव,(प्रतिनिधी)- जुनी पेन्शन योजना व इतर मागण्यांसाठी राज्यात कर्मचाऱ्यांनी पुकारलेल्या राज्यव्यापी बेमुदत संपात जळगाव जिल्हा महसूल कर्मचारी संघटना आज दि.१४ डिसेंबर २०२३ पासून बेमुदत संपात १००% सहभागी झाले असून न्याय हक्कासाठी लढत असल्याचे जिल्हा महसूल कर्मचारी संघटनेचे जिल्हाध्यक्ष योगेश नन्नावरे यांनी सांगितले.
याबाबत सविस्तर असे की,माहे मार्च २०२३ मध्ये सरकारी/निमसरकारी, शिक्षक, शिक्षकेत्तर कर्मचारी संघटना यांनी कर्मचा-यांच्या जिव्हाळ्याच्या प्रलंबित मागण्यांसाठी (जुनी पेन्शन योजना लागू करण्यासाठी बेमुदत संप आदोलन छेडले होते. तत्समयी मे. शासनाने सदर संपात मध्यस्थी करून संघटना प्रतिनिधींशी चर्चा केली. सदर चर्चेत आमची प्राधान्यक्रमावर असलेली जुनी पेन्शन सर्वांना मंजूर करा या मागणीबाबत लेखी हमी देऊन आम्हाला दिलासा दिला होता. तसेच इतर प्रलंबित मागण्यांबाबत सत्वर निर्णय घेतले जातील असेही निसंदिग्ध आश्वासन मे. शासनाने संघटनेस दिले होते. त्यामुळे शासन स्तरावरील कार्यवाही पूर्ण होण्यास वेळ मिळावा या उद्देशाने मे. शासनाने केलेल्या विनंती नुसार आम्ही संप आदोलन स्थगित केले होते. तरी कोणत्याही मागणी संदर्भात अंतीम ठोस निर्णय अद्याप होऊ शकला नाही.
तसेच संपाच्या आदल्यादिवशी दि. १३ डिसेंबर रोजी मा. राज्य संघटनेच्या पदाधिकाऱ्यांसोबत मे. शासनासोबत झालेल्या चर्चेत कोणताही तोडगा न निघाल्याने राज्यातील १७ लक्ष शासकीय कर्मचारी-शिक्षकांचा दि १४ डिसेंबर २०२३ पासून बेमुदत संप सुरु झालेला आहे.
तरी आज संपाच्या पहिल्या दिवशी जळगांव जिल्हयातील जिल्हा व तालुका स्तरावरील सर्व महसूल कर्मचारी संपात सहभागी झालेले आहेत. त्यामध्ये महसूल सहायक ( २००) अव्वल कारकून (१९२), मंडळ अधिकारी (११०). तलाठी (४२३), शिपाई (१३३) व वाहन चालक (२१) संवर्गातील सर्व कर्मचाऱ्यांचा समावेश आहे. तसेच सदर संपास राजपत्रित अधिकारी महासंघ जळगांव व महाराष्ट्र राज्य तहसिलदार व नायब तहसिलदार संघटना यांनीही समक्ष संपाच्या स्थळी भेट देऊन संपास एक दिवसांचे सामुहिक रजा आंदोलन करून पाठिंबा दिलेला आहे. संपात खालील कर्मचारी अधिकारी उपस्थित होते.
श्री. सोपान कासार, निवासी उपजिल्हाधिकारी, श्री. गजेंद्र पाटोळे उपजिल्हाधिकारी, श्री. संजय गायकवाड उपजिल्हाधिकारी, श्रीमती जयश्री माळी, श्रीमती उषाराणी देवगुणे तहसिलदार, श्री. पंकज लोखंडे तहसिलदार, श्रीमती. शितल राजपूत तहसिलदार श्री. राहुल सोनवणे नायब तहसिलदार, श्री. प्रदीप झांबरे नायब तहसिलदार, श्री. योगेश नन्नवरे, जिल्हा अध्यक्ष, श्री. किरण बाविस्कर जिल्हा उपाध्यक्ष श्री. घनःशाम सानप कोषाध्यक्ष श्री. अतुल सानप, कार्याध्यक्ष श्री. दिपक चौधरी, सरचिटणीस श्रीमती रेखा चंदनकर सदस्य, श्रीमती. जागृती पवार, सदस्य, श्रीमती वैशाली पाटील, श्रीमती. श्रीदेवी भोपे, श्रीमती. परवीन तडवी, श्रीमती. पल्लवी खडके, श्रीमती. प्राजक्ता वाय, श्री. योगेश पाटील, श्री. के.एम पाटील, श्री. गणेश हटकर, श्री. हेमंत खैरनार, श्री. दिनेश उगले, श्री. विलास डोंगरे, श्री. शैलेश तरसोदे, श्री. विलास हरणे, श्री. चंद्रकांत कुंभार, श्री. ए.पी. कुलकर्णी, श्री. किरण लोहार, श्री. सुनिल निबाळकर, श्री. गजानन नरोटे, श्री. राहुल नवगिरे, श्री. नूर शेख, श्री. सुरेश महाले, श्री. कैलास महाले, श्री. उच्चव नन्नवरे, श्री. संदीप पाटील यांची उपस्थिती होती.
