जळगाव ( प्रतिनिधी ) – शहरातील गणेश कॉलनीतील नजीक दुचाकी घसरून रस्त्यावर पडल्यावर तरूणाला पाठीमागून येणाऱ्या ट्रकने चिरडल्याने दुचाकीस्वार जागीच ठार झाला. तर साथीदार दुसरा तरूण गंभीर जखमी झाला आहे. सौरभ बनवारीलाल तिवारी (वय-२२ , रा. महाविर नगर) असे मयत तरूणाचे नाव आहे. तर लिलाधर संजय काळे ( रा. कांचन नगर) हा तरूण गंभीर जखमी झाला आहे.
याबाबत सविस्तर असे की, सौरभ तिवारी यांचे गांधी मार्केटमध्ये शुजचे दुकान आहे. महाविर नगरात आई, बहिण व लहान भावासोबत तो राहत होता . शुज दुकान चालवून कुटुंबियाचा उदरनिर्वाह करत होता . आज दुपारी चुलत भावाला दुकानावर बसवून मु.जे. महाविद्यालय परिसारात जातो असे सांगून मित्र लिलाधर काळेसोबत दुचाकीने गेला काम आटोपून ते दुकानवर येण्यासाठी गणेश कॉलनीतील गोकूळ स्वीटमार्ट समोरून जात असतांना दुचाकी घसरली. तेवढ्यात मागून भरधाव ट्रकने धडक दिली.
ट्रकच्या चाकाखाली सौरभ आल्याने त्याचा जागीच मृत्यू झाला तर लिलाधर काळे गंभीर जखमी झाला ट्रक जिल्हा पेठ पोलीस ठाण्यात जमा करण्यात आला. जिल्हा शासकीय वैद्यकीय महाविद्यालयात मुलाचा मृतदेह पाहून सौरभच्या आईने हंबरडा फोडला होता.
