जळगाव – महाराष्ट्र राज्य सहकार बँक अर्थात शिखर बँकेत कर्जाचे वितरण करतांना २५ हजार कोटी रुपयांचा घोटाळा झाल्याच्या आरोपप्रकरणी राष्ट्रवादीचे अध्यक्ष शरद पवार, अजित पवार यांच्यासह जळगावातील माजी खासदार इश्वरलाल जैन यांच्याविरुध्दही गुन्हा दाखल झाला आहे. यावर प्रतिक्रीया देतांना शिखर बँकेत एका पैशाचा देखील गैरव्यवहार आपण केला नसल्याने भीती नाही. त्यामुळे चौकशीसाठी बोलविल्यास इडीला पूर्ण सहकार्य करणार असल्याची माहीती इश्वरलाल जैन यांनी आज पत्रकार परिषदेत दिली.
शिखर बँकेतील २५ हजार कोटीच्या घोटाळ्याप्रकरणी आता ईडीने या प्रकरणी गुन्हे दाखल केले आहेत. त्यात राष्ट्रवादीचे अध्यक्ष शरद पवार, अजित पवार यांच्यासह राज्यातील अनेक नेत्यांचा समावेश आहे. जळगावातील माजी खासदार व शिखर बँकेचे तत्कालीन संचालक इश्वरलाल जैन यांच्यावरही याप्रकरणी गुन्हा दाखल झाल्याने ते देखील अडचणीत आले आहेत. यापक्ररणी इश्वरलाल जैन यांनी आज पत्रकार परिषद घेवून आपली भूमिका व्यक्त केली. त्यानंी सांगीतले की, राज्यात काँग्रेस राष्ट्रवादीचे सरकार असतांना तत्कालीन मुख्यमंत्री काँग्रेसचे पुथ्वीराज चव्हाण यांनीच शिखर बँकेचे संचालकमंडळ बरखास्त केले होते. आपण शिखर बँकेत संचालक असतांना पाऊण आण्याचे देखील आपण लिंपीत नाही. साधे मानधनसुध्दा तेव्हा घेतले नाही, वाहन वापरले नाही कींवा रेस्ट हाऊसचा फायदा घेतला नाही. तरी देखील माझ्यावर गुन्हा दाखल झाला आहे. संचालक मंडळाने कर्ज देण्याचे निर्णय घेणे हा गुन्हा आहे का? असा प्रश्न देखील जैन यांनी उपस्थित केला. कर्ज प्रकरणे मंजूरीनतंर तपासण्याची जबाबदारी ही अधिकाऱ्यांची असते असेही जैन म्हणाले.
राजकारण नाही तर योगायोग
ऐन निवडणुकीच्या काळात अश्या प्रकारे गुन्हा दाखल होण्यामागे कुठलेही राजकारण असल्याचे आपणास वाटत नाही. न्यायालयाच्या आदेशाने गुन्हा दाखल झाला आहे. तो निवडणुकीच्या काळात झाला हा केवळ योगायोग असल्याचेही जैन म्हणाले. याप्रकरणी चौकशी केल्यानतंर माझ्यावर २५ ते ३० लाखाची जबाबदारी फिक्स केली होती. ती का केली ? हे देखील मला माहीत नाही. आपण एक पैशाचा देखील गैरव्यवहार केला नसल्याने भीती वाटत नाही. उलट इडीकडे गुन्हा दाखल झाल्याचे मी स्वागत करतो. ज्यावेळी चौकशीला बोलविले जाईल तेव्हा आपण सहकार्य करु असेही ते म्हणाले.
महाजनही आरोप करु शकणार नाही
राजकारण नाही तर योगायोग
ऐन निवडणुकीच्या काळात अश्या प्रकारे गुन्हा दाखल होण्यामागे कुठलेही राजकारण असल्याचे आपणास वाटत नाही. न्यायालयाच्या आदेशाने गुन्हा दाखल झाला आहे. तो निवडणुकीच्या काळात झाला हा केवळ योगायोग असल्याचेही जैन म्हणाले. याप्रकरणी चौकशी केल्यानतंर माझ्यावर २५ ते ३० लाखाची जबाबदारी फिक्स केली होती. ती का केली ? हे देखील मला माहीत नाही. आपण एक पैशाचा देखील गैरव्यवहार केला नसल्याने भीती वाटत नाही. उलट इडीकडे गुन्हा दाखल झाल्याचे मी स्वागत करतो. ज्यावेळी चौकशीला बोलविले जाईल तेव्हा आपण सहकार्य करु असेही ते म्हणाले.
महाजनही आरोप करु शकणार नाही
माझा स्वभाव गैरव्यवहार करण्याचा नाही. जिल्ह्याचे पालकमंत्री गिरिष महाजन हे देखील मी भष्ट्राचार केला यावर विश्वास ठेवू शकणार नाही, त्यामुळेच तर त्यांनी मला पितास्थानी मानले असल्याचेही इश्वरलाल जैन यांनी सांगीतले.
