जळगाव, दि.17 (प्रतिनिधी) – 15 एप्रिल व 16 एप्रिल रोजी कोविड19 रूग्णालय, जळगाव येथे घेण्यात आलेल्या कोरोना संशयित 34 व्यक्तींचे नमुना तपासणी अहवाल धुळे येथील शासकीय वैद्यकीय महाविद्यालयाकडून प्राप्त झाले असून सर्वांचे तपासणी अहवाल निगेटिव्ह आले आहेत.
या अहवालामध्ये 7 वर्षाच्या मुलीपासून तर 90 वर्षाच्या वृध्दाचा समावेश आहे. तसेच चाळीसगाव येथील एकाच कुटुंबातील चार व्यक्तींचा समावेश आहे.
उर्वरित संशयित रूग्णांचे अहवाल अद्याप प्राप्त झालेले नाही. अशी माहिती जिल्हा शल्य चिकित्सक डॉ. एन. एस. चव्हाण यांनी दिली आहे.
