चाळीसगाव,(प्रतिनिधी)- येथून जवळच असलेल्या बिलाखेडजवळ सोमवारी सायंकाळी ७ वाजेच्या जवळपास चारचाकी वाहनाने दुचाकीला धडक दिल्याने भीषण अपघात झाला. यावेळी दुचाकीस्वार दोघं जागीच मृत झाल्याची दुर्दैवी घटना घडली.
सविस्तर असे की,बोलेरो वाहन क्रमांक एमएच.०४.सीएम.५३९४ व दुचाकी बुलेटची समोरासमोर धडक झाली. अपघातात दुचाकीवरील प्रकाश एकनाथ बाविस्कर (वय-२४) व विजय दगडू मोरे (वय-२५) या दोघांचा जागीच मृत्यू झाला तर आदित्य श्रावण शहादेव रा.आडगाव हा गंभीर जखमी झाला आहे.
घटना घडताच बोलेरोवरील चालक हा पसार झाला आहे. दरम्यान घटनेची माहिती मिळताच शहर पोलिसांनी घटनास्थळी धाव घेऊन मृतांना शवविच्छेदनासाठी ग्रामीण रुग्णालयात दाखल करण्यात आले आहे.अपघात इतका भयंकर आहे की बुलेट चक्काचूर झाली आहे.
