जळगाव, (प्रतिनिधी)- माझ्याशी चर्चाच नाही तर राज्यपाल कोट्याच्या जागे करिता राष्ट्रवादीच्या यादीत माझे नाव कसे असणार असे माजी मंत्री एकनाथराव खडसे यांनी दैनिक नजरकैद शी बोलतांना सांगितले.
राज्यपाल नियुक्त जागांकरिता राष्ट्रवादी काँग्रेसच्या वाट्याला येणाऱ्या जागांमध्ये भाजपचे नाराज आणि मातब्बर नेते माजी मंत्री एकनाथ खडसे यांचे नाव राष्ट्रवादीच्या यादीत असल्याबाबत माहिती मिळत असल्याने याबाबत एकनाथराव खडसे यांच्याशी यांना विचारणा केली असता ते म्हणाले की याबाबत माझ्याशी कुठलीही चर्चाच नाही तर विधानपरिषद करिता राष्ट्रवादीच्या यादीत नाव कसे असेल असा प्रतिप्रश्न उपस्थित करून राष्ट्रवादी च्या यादीत आपले नाव असू शकत नाही असाच खुलासा केला आहे.
पक्षाकडून वारंवार एकनाथ खडसे यांना डावलण्यात येत असल्याने प्रचंड नाराज असलेले खडसे समर्थक व कार्यकर्ते हे देखील नाथाभाऊंनी एकदाचा काहीतरी निर्णय घेऊन टाकावा अशी अपेक्षा व्यक्त करतांना दिसत आहे.
