पाचोरा( प्रतिनिधी ) संपुर्ण महाराष्ट्रात नुकत्याच संपलेल्या ग्रामपंचायतीच्या निवडणुकांमध्ये ग्रामपंचायतींवर आपापले बहुमत सिद्ध करून सरपंच, उपसरपंच पदांच्या निवडणुका संपन्न होत आहेत या ग्रामपंचायतीमध्ये काही ठिकाणी चुरशीची सरपंच पदाची निवड होताना दिसून येत आहे तर काही ठिकाणी बिनविरोध निवडणूक होताना दिसून येत आहे.
गोराडखेडा खुर्द तालुका पाचोरा ग्रामपंचायतीमध्ये एकूण सात उमेदवारांन पैकी चार महिला तर तीन पुरुष ग्रामपंचायतमध्ये निवडुन आल्याने सरपंच पदी विमलबाई धर्मराज पाटील तर उपसरपंच पदी तर संगीता रविंद्र पाटील यांचा फार्म भरण्यात आला होता दुसऱ्या गटातील उमेदवार नितीन गोविंदा पाटील यांनीही सरपंच पदासाठी अर्ज दाखल करण्यात आला होता या सरपंच पदाची निवडणुकीत नवनिर्वाचित सदस्य किरण हिरामण पाटील यांनी हरकत घेऊन बॅलेट पेपर वरती मतदान घेण्यात यावे अशी मागणी केली होती.
विमालबाई धर्मराज पाटील यांना चार मते मिळाली तर नितीन गोविंदा पाटील यांना तीन मते मिळाली असुन निवडणूक निर्णय अधिकारी भुपेंदर तुकाराम रायसिंग यांनी यावेळी निवडणूक निर्णय अधिकारी यांनी मतमोजणी करून विमलबाई धर्मराज पाटील यांना चार मते मिळाल्याने त्यांना विजयी घोषित केले तर उपसरपंचपदी संगीता रविंद्र पाटील यांची बिनविरोध निवड करण्यात आली.
यावेळी निवडणूक निर्णय अधिकारी भूपेंदर तुकाराम रायसिंग यांनी काम बघितले तर त्यांना सहकार्य ग्रामसेवक डी .पी. पाटील ,नवनिर्वाचित सदस्य मनोज अप्पा, प्रमोद पाटील, रोजगार सेवक नाना अहिरे शिपाई आबा पाटील भरत पाटील यांचे निवडणूक प्रक्रिया पार पाडण्यासाठी सहकार्य लाभले यावेळी गोराडखेडा खुर्द गावातील ग्रामस्थ मंडळी मोठ्या प्रमाणावर उपस्थित होते निवडून आलेल्या नवनिर्वाचित सरपंच उपसरपंच व सदस्यांचे ग्रामस्थांनी पुष्पहार देऊन भावी वाटचालीस शुभेच्छा दिल्या.
