पाचोरा : येथील शिवसेना भाजपा महायुतीचे उमेदवार आमदार किशोर आप्पा पाटील यांनी आज संपूर्ण पाचोरा शहरातील प्रमुख बाजारपेठा व शहरातील गल्लीबोळात आपल्या हजारो कार्यकर्त्यांसह जोरदार शक्तीप्रदर्शन करीत भव्य रॅली काढीत शहरातील जनतेचे आशिर्वाद घेतले. यावेळी व्यापारी बांधव व सर्व सामान्य नागरीक यांच्याकडून गुंडशाही झुंडशाहीचे नेतृत्व पाचोरा शहर कधीच मान्य करीत नाही म्हणून जनतेच्या मनाला स्पर्श करणारा व भावना जाणणारे नेतृत्व म्हणजेच किशोर आप्पा होय पुन्हा विजयी होतील असा विश्वास व्यापारी बांधव व जनतेतून व्यक्त करताना दिसला.
शिवसेना कार्यालयातून या प्रचार रॅलीस सुरुवात करण्यात आली. छत्रपती शिवाजी महाराज व बाबासाहेब आंबेडकर या महामानवांच्या पुतळयास पुष्पहार घालून रॅलीची सुरुवात करण्यात आली.स्टेशन रोड,व्ही.पी.चौक,गजानन हॉस्पिटल देशमुखवाडी,हुसैनी चौक,पंचमुखी हनुमान चौक,माहिजी रोड मार्गे संभाजी नगर,बाहेरपुरा,रंगार गल्ली,गांधी चौक, कोंडवाडा गल्ली,कृष्णापुरी,जळगाव चौफुली,सिंधिकॉलनी,श्रीराम नगर, जारगाव चौफुली,शिवाजी नगर,जामनेर रोड, भाजी मंडई, शिवसेना कार्यालयत समाप्त. या महारॅलीत मुकुंद अण्णा बिल्दकर,लोकनियुक्त नगराध्यक्ष संजय गोहिल यांचे सह शिवसेना भाजपा चे पदाधिकारी व असंख्य कार्यकर्ते, शिवसैनिक उपस्थित होते.
