पाचोरा- राजकीय क्षेत्रातील कुठल्याही व्यक्तीने कितीही चांगले काम केले असेल तरी प्रसारमाध्यमे त्यांना जितकी प्रसिद्धी देत नाहीत त्यापेक्षा अधिक त्या व्यक्तीकडून झालेल्या एका चुकीला प्रसिद्धी मिळते सेल्फीच्या एका चुकीचे फळ सध्या गिरीशभाऊ अनुभवत असल्याचे सांगून माजी महसूल मंत्री एकनाथराव खडसे यांनी गिरीशभाऊ महाजन यांना काढला. पाचोरा येथे फोकस न्यूज पोर्टलच्या कार्यालयाचे उद्घाटन करताना अध्यक्षस्थानावरून बोलताना त्यांनी प्रसारमाध्यमांनी केवळ राजकीय क्षेत्रालाच प्राधान्य न देता सामाजिक बांधिलकी जोपासत सर्व क्षेत्रांना स्पर्श करून चतुरस्र बनावे असे आवाहन देखील केले.
यावेळी बोलताना आमदार किशोर पाटील यांनी प्रसारमाध्यमांनी पारदर्शक काम करण्याची अपेक्षा व्यक्त केली. इलेक्ट्रॉनिक मीडियामुळे वर्तमानपत्रांच्या वाचकांची संख्या कमी होण्याची भीती निर्माण झाल्याचे त्यांनी सांगितले.
यावेळी व्यासपीठावर पाचोरा भडगाव तालुक्याचे आमदार किशोर पाटील, कृषी उत्पन्न बाजार समितीचे सभापती सतीश शिंदे, डॉ. भूषण मगर, काँग्रेसचे सचिन सोमवंशी,पंचायत समितीचे सभापती बन्सी पाटील, अशोक लाडवंजारी ,बसपचे अनिल महाजन यांच्यासह अनेक मान्यवर उपस्थित होते. यावेळी मान्यवरांच्या हस्ते छत्रपती शिवाजी महाराज सावित्रीबाई फुले राजमाता जिजाऊ यांच्या प्रतिमेचे पूजन करण्यात आले पाहुण्यांचे स्वागत फोकस न्यूजचे संपादक सचिन चौधरी,सचिन पाटील, भुवनेश दुसाने, रुचिता चौधरी, एकनाथ चव्हाण, स्वप्निल कुमावत, प्रतिक महाजन, विकास बिऱ्हाडे,कुणाल सोनार, प्रशांत पाटील, सचिन सोपे,शुभम सोनवणे यांच्या हस्ते करण्यात आले कार्यक्रमाचे सूत्रसंचालन आणि आभार महेश कौंडीण्य यांनी केले.
