जळगाव, (प्रतिनिधी)- मुख्यमंत्री उद्धव ठाकरे उत्तर सभे नंतर भाजपाने प्रतिक्रिया देऊन जोरदार राजीकीय टीका केल्याचे पाहायला मिळाले दरम्यान भाजप नेते गिरीश महाजन यांनी शिवसेनेवर बोचरी टीका करत शिवसेना म्हणजे गटारातील ‘बेडूक’ असल्याचं म्हटलं यावरून राज्यातील राजकारण चांगलंच तापलंय. पुढे गिरीश महाजन म्हणतात की,जगात काय चालू आहे, हे शिवसेनेच्या नेत्यांना माहित नसते. त्यामुळे आम्हाला त्यांच्या प्रमाणपत्रांची गरज नाही, असे महाजन म्हणाले होते. त्यावर राष्ट्रवादीचे नेते एकनाथ खडसे यांनी प्रत्युत्तर दिले असून गिरीश महाजन यांची जळगावमध्ये शिवसेनेशी छुपी युती असल्याचा गौप्यस्फोट एकनाथराव खडसेनीं केला आहे.
काय म्हणाले एकनाथराव खडसे….
राष्ट्रवादी काँग्रेस पक्षाचे नेते एकनाथराव खडसे म्हणाले की,राज्यात महाविकास आघाडी विरुद्ध शिवसेना असे चित्र असले तरी जळगावमध्ये मात्र समीकरण वेगळे आहे. गिरीश महाजन यांची जळगावमध्ये शिवसेनेशी छुपी युती असल्याचं म्हणत मोठा गौप्यस्फोटच एकनाथराव खडसे यांनी केला आहे.गिरीश महाजन हे जळगावच्या पालकमंत्र्यांसोबत चहा पितात, जेवण करतात. या शिवसेना नेत्यांसोबत त्यांची कायम उठबस असते. ते शिवसेनेला बेडूक म्हणत असतील तर ते बेडकासोबत कसे काय जातात, हे त्यांनाच माहित, असा टोला खडसे यांनी लगावला.
हे देखील वाचा….
‘या’ सरकारी बँकेत लिपिक पदांसाठी मोठी भरती, लगेचच अर्ज करा
12वी उत्तीर्णांसाठी सुवर्णसंधी.. हेड कॉन्स्टेबल पदांसाठी बंपर भरती
तुमच्याकडे ही पात्रता असेल तर परीक्षेशिवाय CRPF मध्ये अधिकारी होण्याची संधी.. 75000 पगार मिळेल
संधी सोडू नका! 10 वी उत्तीर्णांसाठी ‘या’ विभागात 38,926 पदांची मेगा भरती
बँकेत नोकरी मिळवण्याची उत्तम संधी, या बँकेत 690 हून अधिक जागा रिक्त, लवकरच अर्ज करा
काय म्हणाले होते गिरीश महाजन…
गिरीश महाजन हे काल धुळ्यामध्ये एका विवाह सोहळ्यात उपस्थित होते. त्यावेळी त्यांनी मुख्यमंत्री उद्धव ठाकरे यांच्या अटलजींची भाजप आता उरली नाही, या टीकेला जोरदार उत्तर दिले होते. ते म्हणाले होते की, शिवसेना म्हणजे गटारातील बेडूक आहे. त्यांनी जगात काय चालले आहे ते बघावे. मोदीजींवर बोलण्याचा तुम्हाला अधिकार नाही आणि मोदींना तुमच्यासारख्यांच्या सर्टिफिकेटची गरज नाही असं देखील महाजन म्हणाले होते.
