जळगाव,(प्रविण सपकाळे)- पश्चिम बंगाल निवडणुकीच्या निकाला नंतर राज्याचे भाजप नेते माजी जलसंपदा मंत्री आमदार गिरीश महाजन (girish mahajan)यांची एक पोस्ट सोशल मीडियात पाहायला मिळाली असून त्यात त्यांनी म्हटलं आहे की, ” बढने दो हमे..मत रोको हमे, अभी तो शुरुवात है, बहूत उंचा उडना है हमे…असं म्हटलं असून माझ्यावर जबादारी असलेल्या तीनही मतदार संघातील उमेदवार निवडून आले असल्याचं जाहीर केलं आहे, या संदर्भात गिरीश महाजन यांनी ‘नजरकैद’शी बोलतांना दुजोरा दिला आहे.
पश्चिम बंगाल निवडणुकीत भाजपला सत्ता स्थापण्यास यश मिळाले नसले तरी गेल्या निवडणूकी पेक्षा भाजपाला भरघोस यश मिळाले असून भाजपानं देखील यात समाधान मानलं आहे.
गिरीश महाजन यांच्याकडे पक्षानं जबाबदारी दिलेल्या भागातील तीन मतदारसंघात भाजपचे उमेदवार विजयी झाले आहे. यामध्ये बालूरघाट – अशोक लहरी, गंगारामपूर – सत्येंद्रनाथ राय, तपण – बुद्धराय तुडू हे उमेदवार विजयी झाल्याचे त्यांनी जाहीर केलं आहे.
पुढे ते या पोस्ट मध्ये म्हणतात की,कित्येक कार्यकर्त्यांनी रक्त सांडले, बलिदान दिले परंतु, भाजपने राष्ट्रवादी विचार सोडला नाही. या संघर्ष आणि मेहनतीच्या जोरावरच आम्ही ताकदीने लढलो आणि ३ वरून ७५ वर पोचलो असल्याचं म्हटलं आहे. तर पश्चिम बंगाल मधील भाजपच्या सर्व विजयी उमेदवारांचे अभिनंदन देखील त्यांनी यावेळी केलं.
