भुसावळ | भुसावळ शहरात एक दुहेरी हत्याकांडाची घटना समोर आलीय. येथे मुलाने जन्मदात्या आईसह पत्नीची हत्या केल्याची धक्कादायक घटना आज पहाटे घडलीय. तर याच घटनेत एकाची प्रकृती गंभीर असल्याचे वृत्त आहे.
या घटनेत आराध्या हेमंत भूषण (23) व सुशीलादेवी भूषण (63) यांचा मृत्यू झाला तर या प्रकरणी संशयित आरोपी तथा रेल्वे कर्मचारी हेमंत श्रवणकुमार भूषण यास अटक करण्यात आली आहे.
पाच महिन्यांपूर्वीच लग्न करून आणलेली पत्नी आवडत नसल्याने त्यातून रेल्वे कर्मचारी असलेल्या पतीचे सातत्याने खटके उडत होते व त्यातूनच मंगळवारी पहाटे दाम्पत्यात कडाक्याचे भांडण झाले व त्यात मध्यस्थी करणार्‍या आईचा व नंतर संतापात पत्नीचीदेखील आरोपी पतीने खून केला. या घटनेत दाम्पत्यातील मनमिटाव दूर करण्यासाठी आलेल्या शालकालादेखील गंभीर ईजा झाली आहे.
