मुंबई: महिलांना पुरुषांकडून टक लावून पाहणे अस्वस्थ वाटते. पण तुम्हाला माहीत आहे का की हा गुन्हा आहे. महिलांकडे टक लावून पाहणाऱ्याला तुरुंगात टाकले जाऊ शकते. कोणत्याही महिलेला 14 सेकंदांपेक्षा जास्त वेळ टक लावून पाहण्याच्या गुन्ह्यात तुरुंगवास होऊ शकतो. भारतीय दंड संहितेच्या कलम 204 आणि 509 अंतर्गत हा दंडनीय गुन्हा आहे. एखाद्या महिलेकडे 14 सेकंदांपेक्षा जास्त वेळ पाहणे हा गुन्हा असेल आणि असे करणाऱ्यावर कडक कारवाई केली जाईल. असे पाहणाऱ्या व्यक्तीवर गुन्हा दाखल केला जाईल.
सार्वजनिक आणि खाजगी आयुष्यात अनेकदा मुलांकडून मुलींना टक लावून पाहणे किंवा त्यांचा पाठलाग केला जातो. त्यामुळे देशातील महिलांवरील वाढत्या गुन्ह्यांबाबत एनसीआयबीने एका ट्विटमध्ये महत्त्वाची माहिती दिली आहे. जिथे या तरतुदीनुसार 14 सेकंदांपेक्षा जास्त वेळ मुलींकडे पाहिल्यास कोणत्याही तुरुंगात टाकले जाऊ शकते. कारण जाणूनबुजून किंवा नकळत किंवा चेष्टेने एखाद्या परिचित किंवा अनोळखी मुलीकडे 14 सेकंदांपेक्षा जास्त वेळ टक लावून पाहणे हा IPC च्या कलम 294 आणि 509 अंतर्गत गंभीर गुन्हा आहे. अशी प्रकरणे विनयभंगाच्या कक्षेत येतात.
कायद्यानुसार दिली जाते ही शिक्षा
भारतीय दंड संहितेच्या कलम 294 नुसार, सार्वजनिक ठिकाणी एखाद्या महिलेचा विनयभंग, अश्लील किंवा असभ्य कृत्य करणारी कोणतीही व्यक्ती शिक्षेस पात्र आहे. अशा व्यक्तीला भारतीय दंड संहितेच्या कलम 294 मधील तरतुदीनुसार शिक्षा केली जाते. भारतीय दंड संहिता (IPC) चे कलम 294 (a) आणि (b) सामान्यत: या प्रकरणात पीडितेकडून लागू केले जाते. त्यामुळे गुन्ह्यात दोषी आढळलेल्या व्यक्तीला जास्तीत जास्त तीन महिने कारावास किंवा दंड किंवा दोन्ही शिक्षा होऊ शकतात.
लग्नात हुंडा मागणे कायदेशीर गुन्हा
NCIB च्या माहिती प्रमाणे लग्नात हुंडा किंवा इतर व्यवहारात सहकार्य केल्यास ही बाब कायदेशीर गुन्ह्यात येतो. त्यामुळे हुंडा बंदी कायदा 1961 नुसार दोषीला 5 वर्षे तुरुंगवास आणि 15 हजार रुपये दंड होऊ शकतो.
