जळगाव,(प्रतिनिधी)-आज दि.२० सप्टेंबर २०२३ रोजी जाणता राजा प्रतिष्ठान संचलित के के इंटरनॅशनल स्कूल मध्ये ‘मल्टी टॅलेंट शो’ तसेच कृष्णजन्माष्टमी निमित्त हाऊस वाइज समुह नृत्य स्पर्धेचे आयोजन करण्यात आले होते. विद्यार्थ्यांच्या सुप्त कलागुणांना वाव मिळावा म्हणून या कार्यक्रमाचे आयोजन करण्यात आले होते.
प्रमुख पाहुणे म्हणुन शाळेचे मुख्याध्यापक श्री. लोकेश चौधरी सर व सौ. मनीषा धबाडे मॅडम व्यासपीठावर उपस्थित होत्या. यानंतर कार्यक्रमाची रूपरेषा सांगण्यात आली.
यावेळी सहभागी विद्यार्थ्यांनी अतिशय जल्लोषात विविध सांस्कृतिक गीतांवर नृत्ये सादर केली. तसेच काही विद्यार्थ्यांनी गीतगायन केले.
कार्यक्रमाचे सूत्रसंचालन सौ. दिपाली चौधरी , सौ. प्रीतम पाटील व सौ.प्रीती सोनार मॅडम यांनी केले.
सर्व शिक्षकांच्या सहकार्याने कार्यक्रम यशस्वीरित्या पार पडला.
