जामनेर : लघू उद्योगासाठी योजनेतून डीपी मंजूर करून देण्यासाठी नेरीतील सहाय्यक अभियंता हेमंत शालिग्राम पाटील याने 6 लाखांची लाच मागितली होती. ठरल्याप्रमाणे तक्रारदार पैसे देण्यासाठी अभियंत्याच्या शिवाजी नगरातील घरी पोहोचला. मात्र संशयित अभियंता हेमंत पाटील याला एसीबीचा ट्रॅपची कुणकुण लागताच घराबाहेर पाय टाकत चारचाकीतून पोबारा केला, इतकेच नव्हे तर एसीबीचे पथक आरोपीला पकडण्यासाठी पुढे आल्यानंतर पथकाच्या अंगावरही आरोपीने चारचाकी घातली. या प्रकारामुळे जिल्ह्यात मोठी खळबळ उडाली आहे. या प्रकरणी जामनेर पोलिसात गुन्हा दाखल करण्याचे काम सुरू असल्याचे सांगण्यात आले.
काय आहे नेमका प्रकार?
एका तक्रारदाराला लघू उद्योगासाठी वीज डीपी हवी असल्याने त्यासाठी 14 लाखांचे कोटेशन लागेल मात्र मी तुम्हाला फुकटात डीपी मिळवून देतो मात्र त्यासाठी सहा लाखांची लाच लागेल, असे संशयीत आरोपी हेमंत शालिग्राम पाटील याने सांगितले. तक्रारदाराने जळगाव, नाशिकऐवजी थेट औरंगाबाद एसीबीकडे तक्रार केली. सुमारे दोन महिन्यांपासून पथक आरोपीच्या मागावर होते मात्र यापूर्वीएकदादेखील आरोपीने लाचेबाबत संशय आल्याने ती स्वीकारली नव्हती.
हे देखील वाचा..
सोने महागले, तर चांदी घसरली ; काय आहेत आजचे दर?
गुडन्यूज..! खाद्यतेलाच्या किंमती आणखी कमी होणार, तेल कंपन्यांना सरकरने दिले ‘हे’ आदेश
आता अजित पवारांना धक्का ; ‘या’ संघटनेच्या अध्यक्षपदाचा द्यावा लागणार राजीनामा
चर्चा तर होणारच ! उज्ज्वल निकम एकनाथ शिंदेंच्या भेटीने तर्कवितर्कांना उधाण
एसीबी पथकाच्या अंगावर घातली गाडी
गुरुवारी सकाळी 11 वाजता पथकाने ट्रॅप लावला, तक्रारदार संशयीत आरोपीच्या घरी लाचेची सहा लाखांची रक्कम घेवून पोहोचला. यावेळी संशयीत आरोपी कामाचे निमित्त करून बाहेर त्यावेळी घराबाहेर असलेली गर्दी पाहून संशय बळावल्याने त्याने थेट चारचाकी काढली त्यातून निसटण्याचा प्रयत्न केला मात्र त्याचवेळी एसीबीने त्याच्यावर झडप घातली असता आरोपीने पथकाच्या अंगावरच गाडी घालण्याचा प्रयत्न केला, अशी सूत्रांची माहिती आहे. या प्रकरणी जामनेर पोलिसात गुन्हा दाखल करण्याचे काम सुरू असून आरोपीचा कसून शोध सुरू करण्यात आला आहे.
