उस्मानाबाद/जळगाव, (प्रतिनिधी)- राष्ट्रवादी काँग्रेसमध्ये एकनाथ खडसे यांचा प्रवेश हा आता खडसेंच्या प्रश्न असल्याची प्रतिक्रिया शरद पवार यांनी आज उस्मानाबाद येथे खडसेंच्या प्रवेशाबाबत विचारण्यात आलेल्या प्रश्नावर दिली आहे.
बोलतांना शरद पवार म्हणाले की, भारतीय जनता पक्ष वाढविण्यात भाजपचे जेष्ठ नेते तथा माजी मंत्री एकनाथराव खडसे योगदान आहे. परंतु भाजपकडून आपली नोंद घेतली जात नाही असं एकनाथ खडसे यांना वाटतं आहे त्यामुळे आता राष्ट्रवादीत एकनाथ खडसेंचा प्रवेश त्यांचा प्रश्न आहे. एकनाथराव खडसेंच्या प्रवेशावर पहिल्यांदाच शरद पवारांनी प्रतिक्रिया दिल्या.
गेल्या काही दिवसांपासून एकनाथ खडसेंच्या राष्ट्रवादी काँग्रेस प्रवेशाचे राज्यभर वारे सुरु आहे. कधी घटस्थापनेचा मुहूर्त… तर कधी विजयादशमीचा सीमाउल्लंघन… असे मुहूर्त समोर येत आहे मात्र याबाबत खडसेंनी कधीही अधिकृत घोषणा केली नाही त्यामुळे नुसत्या चर्चा होतांना दिसत आहे. काल तर चक्क खडसेंनी भाजपच्या सदस्यत्वाचा राजीनामा दिल्याच्या बातम्या आल्या अखेर भाजपाचे प्रदेश अध्यक्ष चंद्रकांत पाटील यांनी राजीनामा दिलाच नाही असे स्पष्ट केले तर त्यानंतर खुद्द एकनाथ खडसेंनी देखील राजीनामा दिला नसल्याचे स्पष्ट केले आहे.
तूर्तास खडसेंच्या राष्ट्रवादी प्रवेशाच्या चर्चांना विराम…
एकनाथ खडसेंच्या राष्ट्रवादी प्रवेशाचा प्रश्न आता खडसेंच्या असल्याचे शरद पवार यांनी सांगितलं आहे.तर भाजपच्या सदस्यत्वाचा राजीनामा दिलेला नाही असे भाजपा प्रदेशाध्यक्ष चंद्रकांत पाटील व खुद्द खडसेंनी सांगितल्यामुळे तूर्तास तरी एकनाथराव खडसे यांच्या राष्ट्रवादी प्रवेशाच्या चर्चांना विराम … असंच म्हणावं लागेल.
