जळगाव, (प्रतिनिधी): भाजपचे ज्येष्ठ नेते एकनाथ खडसे यांनी राष्ट्रवादी काँग्रेसमध्ये प्रवेश करण्याचा मुहूर्त फिक्स झाल्यासारखा असतांना राज्यभर राष्ट्रवादी समर्थकांनी सोशल मीडियावर आपलं स्टेटस ठेवतांना दिसत आहे. यामध्ये ‘तुमचे राष्ट्रवादीत स्वागत आहे’, ‘आम्ही तुमच्या पाठिशी आहोत’, असा मजकूर पाहायला मिळत आहे. त्यामुळे राष्ट्रवादी काँग्रेसच्या समर्थकांकडून एकनाथराव खडसे यांच्या पक्षप्रवेशासाठी वातावरणनिर्मिती करत असल्याचे आज दिवसभरात दिसून आले. राष्ट्रवादी पक्ष प्रवेशाबाबत मात्र अद्यापही एकनाथ खडसे यांनी अधिकृत घोषणा केलेली नाही.
एकनाथराव खडसे यांच्या पक्ष प्रवेशनानंतर विधानपरिषेदवर राज्यपालनियुक्त सदस्य म्हणून वर्णी लागण्याची शक्यता आहे.दरम्यान, एकनाथ खडसे यांच्या राष्ट्रवादी काँग्रेसमधील प्रवेशाची तारीखही आता निश्चित झाली आहे. 17 ऑक्टोबर म्हणजे घटस्थापनेच्या दिवशी एकनाथ खडसे राष्ट्रवादी काँग्रेसमध्ये प्रवेश करण्याची शक्यता आहे. राष्ट्रवादी काँग्रेसच्या गोटात त्यादृष्टीने हालचालीही सुरु झाल्या आहेत.
