मुंबई : आज आर्थिक वर्ष 2024 चा पहिला दिवस असून सरकारने एलपीजी गॅस सिलिंडरच्या किमतीत बदल केला आहे. 1 एप्रिल रोजी एलपीजीच्या किमतीत सुमारे 92 रुपयांनी कपात करण्यात आली आहे. तथापि, दर कपात केवळ व्यावसायिक गॅस सिलिंडर वापरकर्त्यांसाठी आहे. मात्र, घरगुती एलपीजी गॅस सिलिंडरच्या किमतीत कोणताही बदल करण्यात आलेला नाहीय 14.2 किलो गॅस सिलिंडरचा दर गेल्या महिन्याइतकाच आहे. विशेष म्हणजे सरकारने मार्चमध्ये व्यावसायिक गॅस सिलिंडरच्या किमती 350 रुपयांनी वाढवल्या होत्या आणि आता आज शनिवारी 92 रुपयांनी कमी करण्यात आल्या आहेत.
घरगुती गॅस सिलिंडरच्या दरात कोणताही बदल नाही –
तथापि, घरगुती एलपीजी सिलिंडरच्या किमतीत कोणताही बदल करण्यात आलेला नाही आणि ते पूर्वीप्रमाणेच किंमतीत स्थिर आहेत. दिल्लीत घरगुती एलपीजी सिलेंडरची किंमत 1103 रुपये प्रति सिलिंडर आहे. 14.2 किलोचा घरगुती गॅस सिलिंडर गेल्या महिन्यात 50 रुपयांनी तर 19 किलोचा व्यावसायिक गॅस सिलिंडर 350 रुपयांनी महागला होता.
जाणून घ्या LPG च्या किमती किती कमी झाल्या आहेत –
आजपासून दिल्लीत व्यावसायिक एलपीजी सिलिंडर 91.5 ते 2028 रुपयांना उपलब्ध होतील. तर कोलकातामध्ये एलपीजी सिलिंडर 2132 रुपयांना मिळणार असून, 89.5 रुपयांनी स्वस्त आहे.दुसरीकडे, आर्थिक राजधानी मुंबईत, एलपीजी सिलिंडर 91.50 रुपयांनी स्वस्त होईल आणि 1980 रुपयांना उपलब्ध होईल, म्हणजेच त्याची किंमत 2000 रुपयांच्या खाली आली आहे. तर चेन्नईमध्ये एलपीजी सिलिंडर 75.5 रुपयांनी स्वस्त होऊन 2192.50 रुपयांना मिळेल.
तुमच्या शहरातील एलपीजीची नवीन किंमत जाणून घ्या –
मुंबई – 1980.00
दिल्ली – 2028.00
कोलकाता – 2132.00
चेन्नई – 2192.50
तुमच्या शहरातील एलपीजीची जुनी किंमत जाणून घ्या –
मुंबई 2071.50
दिल्ली – 2119.50
कोलकाता 2221.50
चेन्नई 2268.00
