जळगाव – जिल्ह्यात महसूल प्रशासनाकडून वाळू, गौण खनिजाचे लिलाव झाले नसताना अवैध वाळू वाहतुक मोठया प्रमाणावर केली जात असल्याने महसूल विभागाने गस्ती पथक मोहीम राबवित अवैध वाळू उपसा करून वाहतूक करणाऱ्यांच्या मुसक्या आवरल्या आहेत. आज सकाळ पासूनच महसूल विभागाचे गस्ती पथक या वाळू चोरट्यांवर लक्ष ठेऊन असतांना दुपारी दिड वाजेच्या सुमारास मोहाडी रोड गायत्रीनगर परीसरात अवैध वाळू वाहतुक करतांना टॅ्रक्टर क्रमांक एमएच १९ सीबी ३५३८ आढळून आले.या सोबतच तीन टक्ट्रर जप्त करण्यात आले.
या अवैध वाळू वाहतुकीस आळा घालण्यासाठी जिल्हाधिकारी डॉ.अविनाश ढाकणे यांनी कडक कारवाई करण्याच्या सुचना देण्यात आल्या होत्या. प्रांताधिकारी दिपमाला चौरे, तहसिलदार वैशाली हिंगे यांच्या मार्गदर्शन व सूचनानुसार जळगाव मंडळ अधिकार्यांनी आज ५ डिसेंबर रोजी दुपारच्या सुमारास मंडळ अधिकारी यांचेसह सर्व मंडळ अधिकारी व पो.कॉ.हितेश महाजन यांच्या पथकाला विनापरवाना वाळू वाहतुक करतांना मोहाडी येथील राकेश कोळी यांचे ट्रॅक्टर क्रमांक एमएच१९-सीबी ३५३८ हे गायत्रीनगर मोहाडी रोड परीसरात आढळून आल्याने जागीच कारवाई करण्यात येवून जिल्हाधिकारी कार्यालयात तसेच जिल्हापेठ पोलिस स्टेशनला जमा करण्यात आले आहे.
