भंडारा : राज्यात महिलांसह अल्पवयीन मुलींवर होणारे अत्याचार थांबतच नाहीय. अशातच एक संतापजनक घटना समोर आलीय. हंगामा पाहण्यासाठी घेऊन गेलेल्या एका अल्पवयीन मुलीवर तिच्याच ओळखीच्या दोघांनी एका झोपडीत अत्याचार केल्याची घटना घडलीय. ही घटना तुमसर तालुक्यातील देवनारा येथे बावनथडी नदीपुलाशेजारी घडली. याप्रकरणी दोघांविरुद्ध पोलिसांनी गुन्हे नोंदविले आहेत. आरोपींपैकी एक विधिसंघर्ष बालक आहे.
पीडित अल्पवयीन मुलीची अभिषेक प्रल्हाद कुंभरे (२०) रा. चिखली (तुमसर) आणि विधिसंघर्ष बालक यांच्याशी ओळख आहे. ५ ऑक्टोबर रोजी दोन्ही आरोपींनी संगनमत करून पीडितेला लगतच्या मध्य प्रदेशातील बोनकट्टा येथे हंगामा पहायला चल म्हणून मोटारसायकलने सोबत घेऊन गेले. मध्यरात्री २ वाजताच्या सुमारास दोघांनीही पीडित मुलीला देवनारा येथील बावनथडी नदीवरील पुलाशेजारील झोपडीत नेले. तिथे तिच्यावर आळीपाळीने अत्याचार केला.
हे पण वाचा :
‘या’ अपघाताचा VIDEO पाहून तुमच्या अंगावर काटा आल्याशिवाय राहणार नाही
तुझे मुंडके धडापासून वेगळे करणार ; राज्यातील भाजप आमदाराला PFI ची धमकी
आर्थिक विवंचना दूर करण्यासाठी या देवतेची मूर्ती घरात लावा, पैशाचा पडेल पाऊस
मोठी दुर्घटना ; नाशिकच्या हॉटेल मिरची चौकात खाजगी बस पेटली ; १० प्रवासी जाळून खाक
हा प्रकार मुलीने आपल्या आईवडिलांना सांगितला. त्यानंतर आईवडिलांनी तिला घेऊन गोबरवाही पोलिस ठाणे गाठून दोन्ही आरोपींविरुद्ध तक्रार दाखल केली. पोलिसांनी घटनेचे गांभीर्य लक्षात घेऊन आरोपी अभिषेक आणि विधिसंघर्ष बालकाविरुद्ध भादंवि कलम ३७६, २ (आय), ३७६ (ड,अ,), ३४, सहकलम ४, ६ व लैंगिक अपराधापासून बालकांचे संरक्षण अधिनियम २०१२अन्वये गुन्हा दाखल केला आहे. घटनास्थळी प्रभारी उपविभागीय पोलिस अधिकारी रिना जनबंधू यांनी भेट दिली. या घटनेचा अधिक तपास गोबरवाहीचे सहाय्यक पोलिस निरीक्षक दीपक पाटील करीत आहेत.
