जळगाव : जळगाव तालुक्यातील वडली येथील एकाच कुटुंबातील तिघांनी विष प्राशन करून घेतल्याची घटना आज सकाळी उघडकीस आलीय. यात नारायण दंगल पाटील (वय-६६) यांचा उपचारादरम्यान, मृत्यू आला असून मुलगा व पत्नी यांची प्रकृती गंभीर आहे. या प्रकारामुळे मात्र परिसरात मोठी खळबळ उडाली असून या तिघांना अचानकपणे टोकाचे पाऊल उचलण्याचे कारण अद्याप समोर आलेले नाही.
वडली गावात नारायण पाटील हे आपल्या पत्नी भारती नारायण पाटील (वय-५५) आणि मुलगा गणेश नारायण पाटील (वय-३३) याच्यासोबत वस्तव्याला होते. गेल्या काही दिवसांपासून पाटील कुटुंबिय तणावात होते. गुरूवारी ६ एप्रिल रोजी सकाळी ७ ते ८ वाजेच्या दरम्यान नारायण पाटील, त्यांची पत्नी भारती पाटील आणि मुलगा गणेश पाटील यांनी तिघांनी घरात असतांना विषारी औषध सेवन केले. त्यांनतर अत्यवस्थ वाटू लागल्याने गणेशने गावात राहणारा मित्र श्यामला फोन करून घरी येणाचे सांगितले.
हे पण वाचा..
घर-गाडी खरेदी करणाऱ्यांना दिलासा! RBI ने रेपो दराबाबत वर्षभरात पहिल्यांदाच घेतला ‘हा’ निर्णय?
लग्नाआधीच भावी जावई घरी आला, सासू बाहेर जाताच घडलं धक्कादायक
नागरिकांनो काळजी घ्या..! देशात २४ तासांतील धडकी भरवणारी आकडेवारी
राज्यातील तरुणांसाठी आनंदाची बातमी! शासनाच्या कृषी विभागात भरती सुरु
त्यानुसार श्याम हा घरी गेल्यावर आईवडीलांसह मुलगा गणेश हे तिघे गळ्यात गळा टाकलेल्या अवस्थेत दिसून आले. श्यामने स्थानिक ग्रामस्थांच्या मदतीने तिघांना खासगी वाहनाने जिल्हा शासकीय वैद्यकीय महाविद्यालयात रवाना करण्यात आले. तिघांपैकी नारायण दंगल पाटील यांचा उपचारादरम्यान सकाळी १० मृत्यू झाला तर त्यांची पत्नी भारती आणि मुलगा गणेश या दोघांची प्रकृती गंभीर आहेत. या घटनेची माहिती मिळाल्यानंतर गावातील ग्रामस्थ व नातेवाईकांनी जिल्हा शासकीय महाविद्यालयात एकच गर्दी केली होती. या घटनेबाबत एमआयडीसी पोलीस ठाण्यात नोंद करण्याचे काम सुरू होते.
