जळगाव, (प्रतिनिधी)- पश्चिम बंगाल मध्ये सध्या विधानसभा निवडणुकीच्या प्रचाराची रणधुमाळी सरू असुन भारतीय जनता पक्षानं ममता दीदींच्या पराभवासाठी प्रचारात कुठलीच कसर ठेवलेली दिसत नाही दरम्यान महाराष्ट्र भाजपचे संकट मोचक माजी जलसंपदा मंत्री आ. गिरीश महाजन (girish mahajan )आपल्या नेहमीच्या अंदाजात अमित शहा यांच्या रोड शो चे नियोजन करून प्रचारात सहभागी होतांना दिसले.
दरम्यान पश्चिम बंगालमधील निवडणूक प्रचारासाठी व नियोजनासाठी महाराष्ट्र भाजपचे संकटमोचक माजी जलसंपदा मंत्री आ. गिरीश महाजन हे गेल्या काही दिवसांपासून पश्चिम बंगाल मध्ये ठाण मांडून आहेत.
बालूरघाट येथे काल केंद्रीय गृहमंत्री अमित शाह (अमित शहा) यांचा जोरदार शक्तिप्रदर्शनासह ‘रोड-शो’ झाला याचे नियोजन देखील गिरीश महाजन यांनी केले व प्रचारात सुद्धा सामील झाल्याचे पाहायला मिळाले. याबाबत खुद्द गिरीश महाजन यांनी ट्विट करून माहिती दिली आहे.
महाराष्ट्रात ज्या ज्या वेळी भाजपाच्या मोठ्या नेत्यांच्या सभा होतं असतात तेव्हा तेव्हा गिरीश महाजन स्वतः मैदानात उतरून बारीक सारीक गोष्टींचा आढावा घेत नियोजन करतात, हजारो जनसमुदाय उपस्थित असलेल्या गर्दीच्या ठिकाणी सुद्धा सहज फेरफटका मारून नियोजनाची खात्री करून घेण्याचा आ. महाजणांचा अंदाज त्यांच्या चाहत्यांना आवडतो त्याच अंदाजात आ. गिरीश महाजन हे पश्चिम बंगालच्या निवडणुकीत केंद्रीय मंत्री अमित शहांच्या ‘रोड शो’ चे नियोजन करतांना दिसून येत आहे. आ. महाजन यांचा हा अंदाज अनेकांना भुरळ घालतो हे निश्चित.
