अमळनेर । राज्यात महिलासंह अल्पवयीन मुलींवर होणाऱ्या अत्याचाराच्या घटना काही केल्या थांबत नाहीय. दिवसेंदिवस या घटना वाढतच असल्याचे दिसून येत आहे. अशातच जळगाव जिल्ह्यातील अमळनेर शहरात बाप लेकीच्या नात्याला काळीमा फासणारी एक धक्कादायक घटना समोर आलीय. नराधम पित्याने आपल्याच पोटच्या १४ वर्षीय मुलीवर गेल्या दीड वर्षांपासून अत्याचार करत असल्याचा प्रकार समोर आला आहे. यानंतर नराधम बापाविरोधात अमळनेर पोलीस ठाण्यात गुन्हा दाखल करण्यात आला आहे.
अमळनेर शहरातील एका भागात १४ वर्षीय अल्पवयीन मुलगी वास्तव्याला असून तिच्या आई व वडीलांचे भांडण झाल्यावर तिची आई बाहेरगावी निघून जात होते. त्यामुळे घरी पिडीत मुलगी आणि तिचा नराधम बाप हे दोघेच राहत होते. रात्री जेवन करून झोपल्यानंतर नराधम बापाने पोटच्या मुलीवर लैंगिक अत्याचार सुरू केले. हा प्रकार तिने कुणालाही सांगितला तर तुझ्या आईला आणि तुला ठार मारेल अशी धमकी दिली.
हे पण वाचा..
जळगाव जिल्ह्यात “कोतवाल” पदांसाठी मोठी भरती ; 4थी पास उमेदवारांना नोकरीची संधी
लयभारी ! आता 20 रुपयांत पोटभर खा ; रेल्वेची नवीन योजना सुरु
मोठी बातमी! दोन वर्षानंतर खडसेंचे जावई गिरीश चौधरींना जामीन मंजूर
जिल्हाधिकाऱ्यांच्या संवेदनशीलतेचे दर्शन! अपघातग्रस्त तरूणांसाठी ठरले देवदूत
त्यामुळे पिडीत मुलीने तिच्या सोबत घडलेला प्रकार कुणाला सांगितला नाही. गेल्या दीड वर्षांपासून हा प्रकार सुरूच होता. तिची ही पिडा कुणाला सांगावे हे देखील कळत नव्हते. १८ जुलै रोजी तिची आई आणि आजी घरी आल्यानंतर त्यांनी घडलेला प्रसंग कथन केला. त्यावेळी तिच्या आई व आजीला प्रचंड धक्का बसला. त्यांनी तातडीने मुलीला सोबत घेवून अमळनेर पोलीस ठाणे गाठले. पिडीत मुलीने दिलेल्या फिर्यादीवरून अमळनेर पोलीस ठाण्यात नराधम बापाविरोधात गुन्हा दाखल करण्यात आला आहे. या गुन्ह्याचा पुढील तपास सहाय्यक पोलीस निरीक्षक अनंत अहिरे करीत आहे.
